Ribadeo, 10 de marzo de 2021. Apaga organiza este sábado, 13 de marzo, en Ribadeo un curso sobre sistemas avanzados de asistencia á condución. A inscrición está aberta e poden asistir técnicos de empresa, profesores e alumnado de FP, universitarios ou persoas interesadas nesta temática. Na xornada, en sesión de mañá e tarde, falarase da detección ou avisador de ángulo morto, do control de cruceiro adaptativo, da alerta sobre tráfico cruzado, do sistema LDW, do sistema de detección de peóns e do freo autónomo de emerxencia.
O presidente da Asociación de Profesores de Automoción de Galicia, Álvaro Doural, contou que “seguindo co plan de formación que temos previsto para o 2021 este sábado, en sesión de mañá e tarde, imos realizar no noso centro de formación un curso de sistemas avanzados de asistencia á condución. Comprende desde a detección no visor de ángulo morto, control de cruceiro adaptativo, alerta sobre o tráfico cruzado, sistemas LDW, sistemas de detección de peóns e freo autónomo e freo autónomo de emerxencia. É unha actividade práctica especialmente sobre as calibracións destes sistemas, que practicamente hoxe en día case traen todos os vehículos”.
Doural explicou que “hai un número limitado de prazas, hai xa varias cubertas, pero queda aínda algunha. É un máximo de 10 para poder manter as distancias de seguridade e cumprir coas normas covid. O curso está aberto a todas as persoas, desde que empezou a pandemia nós abrimos todo este tipo de actividades tanto a técnicos de empresa, como a profesores de FP, alumnos de Formación Profesional e universitario, e xente á que lle interesa todo este tipo de temas.
Todos teñen posibilidade de poder participar, soamente teñen que poñerse en contacto con nós a través do noso correo electrónico apagaribadeo@gmail.com, do teléfono 639 88 49 45 ou tamén da nosa páxina web www.apaga.es”.
O presidente de Apaga subliñou que “a nosa asociación está facendo un esforzo importante a nivel económico para sacar este tipo de cursos a uns custes verdadeiramente moi baixos. Penso que é unha maneira de axudar na situación que estamos nestes momentos vivindo e que ninguén por razóns económicas poida deixar de seguir formándose, especialmente nestas novas tecnoloxías que están aí nos vehículos que neste momento xa están circulando polas nosas estradas”.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
Unha comedia orientada para público infantil escrita e dirixida por Bea Campos. Hora: 18h.
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
