Barreiros, 27 de marzo de 2021. Co fin de promover o seu descoñecido patrimonio xeolóxico, a Área de Turismo do Concello de Barreiros, organiza para o sábado 3 de abril, unha Xeoruta polas praias, dende Fontela-Balea ata Arealonga, guiada polo xeólogo Fran Canosa.
Trátase de ampliar o punto de vista sobre estes espazos tan frecuentados por veciños e visitantes poñendo o foco en divulgalos tamén como espazos naturais cuxos segredos, neste caso xeolóxicos, normalmente pasan desapercibidos.
Entre os lugares que se van poder visitar nesta xeoruta está o conxunto de rochas subvolcánicas de Benquerencia, os pregues deitados de punta Corveira, vestixios dun importante choque entre continentes de fai 350 millóns de anos. Pero tamén haberá tempo para botarlle unha ollada aos restos de primitivos arrecifes na punta do Castro, ou a presenza de antigas fragas sobre a praia de Arealonga, cando o nivel do mar estaba alonxado varios quilómetros. Unha verdadeira viaxe no tempo que permitirá coñecer un pouco mellor o pasado xeolóxico deste concello da Mariña lucense.
Sairemos dende as escaleiras de baixada á praia de Balea (xunto ao Rte. Oliñas do Mar) (Coordenadas: 43°33’43.3″N 7°12’16.4″W) ás 16.00h e terá unha duración aproximada de 3 horas (sen contar o regreso ao punto de partida), cubrindo unha distancia aproximada de 3,5Km. Recoméndase calzado e roupa cómodos e adaptados ás condicións meteorolóxicas. Dificultade da ruta: Media.
As prazas son limitadas a 8 participantes máis o guía, segundo o establecido no DOG 52-Bis do día 17 de marzo. Tomaranse as medidas de prevención esixidas por mor da Covid-19.
Para inscribirse é preciso enviar un correo a: turismo@concellodebarreiros.gal cos nomes e apelidos de cada participante, número de DNI, teléfono de contacto e concello de procedencia. As prazas cubriranse por estrita orde de inscrición comezando o prazo o martes 30 de marzo e rematando o venres día 2 de abril ás 14.00 horas. A actividade é gratuíta.
A realización da actividade e/ou o número final de participantes queda supeditada ás condicións meteorolóxicas e ás correspondentes actualizacións normativas que se puideran producir segundo a evolución epidemiolóxica.
Máis información en Barreiros Turismo: 606 83 56 26 ou na Oficina de Turismo situada na entrada do Centro Sociocultural.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
