Ribadeo, 17 de marzo de 2021. O Centro Integrado de Formación Profesional (CIFP) Porta da Auga, de Ribadeo, acolle unha actividade formativa sobre a instalación de placas de xeso laminado para o alumnado do Ciclo de Obras de Interior. Está impartida por un monitor da empresa Placo, que se desprazou desde Madrid para ensinar aos alumnos novidades na instalación deste material durante tres días: onte, hoxe e mañá, xoves.
O xefe do Departamento de Edificación e Obra Civil no CIFP Porta da Auga, José Méndez de Andés, explica que “no Ciclo de Obras de Interior estamos cunha formación que imparte a empresa Placo, pertencente a grupo internacional Saint-Gobain, que ten un convenio co Ministerio de Educación para dar formación nos centros que teñen este tipo de ensino relacionado con cartón-xeso. Aquí están 3 días: onte, hoxe e mañá, xoves; e están presentando todo o relacionado con trasdosados de cartón-xeso, aplacados, tabiques autoportantes, semiplacados, … E traen como novidade un sistema de aplacado exterior para edificación, que acaban de sacar ao mercado e que se chama Placotherm. É un sistema para aplacar as fachadas que está ben para esta zona norte na que vivimos porque é unha fachada ventilada que mellora o illamento acústico e térmico da vivenda, absorbe humidades e condensacións, que son uns dos problemas principais que temos aquí. Permite renovar o exterior dos edificios cambiando as cores e o aspecto xeral dos edificios. É un material novo e por iso é moi interesante que o presenten aquí para que os nosos alumnos saiban que existen este tipo de produtos e como se instalan”.
José Méndez de Andés destaca “a axuda desta empresa, á que temos que agradecerlle o ben que se está portando con nós, dándonos materiais, ferramentas e tamén uniformes para os alumnos. Entón cremos que aparte da formación en si, que imparte un monitor que se desprazou desde Madrid para levar a cabo esta actividade aquí, a empresa Placo está axudándonos moito”.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
