Lugo, 17 de marzo de 2021. A conselleira de Infraestruturas e Mobilidade, Ethel Vázquez, garantiu hoxe que a Xunta demandará un compromiso do Goberno de España coas autovías estatais pendentes en Lugo e unha conexión “sen recortes” coa alta velocidade ferroviaria.
Así o trasladou hoxe Vázquez Mourelle antes da súa xuntanza con representantes da Federación Galega de Transporte de Mercadorías (Fegatramer) e da Asociación de Empresarios de Transportes Discrecionais de Lugo (Tradime), cos que mantivo un encontro de traballo na cidade de Lugo. Na reunión tamén participaron o delegado territorial da Xunta en Lugo, Javier Arias, e o director xeral de Mobilidade, Ignacio Maestro.
A titular de Infraestruturas e Mobilidade manifestou que a Xunta incrementou desde o 2009 máis dun 60% a extensión da rede de vías de alta capacidade de titularidade autonómica, con 50 novos km libres de peaxe en servizo na provincia de Lugo.
Destacou que actualmente o Goberno galego está a executar as obras da primeira fase da autovía Lugo-Sarria, que supón un investimento de máis de 25 M€ para desdobrar o treito de corredor entre A Pobra e Sarria, co obxectivo de que estea rematado xa no outono do vindeiro ano. Engadiu que este mesmo ano se licitará a redacción do proxecto do treito restante para completar a autovía ata Lugo.
Afirmou que o traballo da Xunta tamén inclúe a defensa ante o Goberno de España do impulso das infraestruturas de titularidade estatal necesarias para o progreso desta provincia. A este respecto, lembrou como na xuntanza da pasada semana entre o presidente da Xunta e o ministro de Transportes, anticipouse a preocupación por asuntos que o Goberno galego agarda poder abordar en detalle na vindeira reunión prevista para abril.
A conselleira compartiu co sector a inquedanza da Xunta pola falta de avances nas infraestruturas viarias imprescindibles para Lugo. En concreto, falou da Autovía Lugo-Santiago, onde o ritmo de execución vai impedir atender a demanda da Xunta de que se rematen as obras neste ano 2021, a pesar de ser unha actuación que empezou a executarse hai 22 anos.
Referiuse á Autovía Lugo-Ourense, co intercambiador de Guntín, da que dixo “non hai absolutamente ningunha previsión de avance para os vindeiros exercicios, a pesar de ser esencial para as dúas provincias e unha demanda reiterada de Galicia”.
Manifestou a preocupación, ademais, pola Autovía da Mariña, onde estaba comprometido o impulso do treito Foz-Barreiros sen que iso se reflictan nin en novos pasos administrativos nin nos Presupostos.
Tamén se trasladou na reunión a inquedanza polo estado do firme da Autovía A-6 e do resto de estradas nacionais, como a N-634 en Mondoñedo, pola que se circula cando pecha a A-8 para garantir a seguridade do transporte.
Á marxe do transporte por estrada, na xuntanza da pasada semana en Madrid a Xunta puxo de manifesto a preocupación polo incumprimento dos compromisos coa chegada da alta velocidade ferroviaria a Lugo.
Ethel Vázquez subliñou que a Xunta non renuncia nin acepta unha rebaixa das condicións que agora se presentan para o ferrocarril de Lugo, polo que tal e como dixo: “o Goberno galego vai demandar que se cumpran os compromisos adquiridos e se dote esta provincia dunha conexión coa alta velocidade ferroviaria sen recortes e que garanta unha conexión competitiva e rápida con Madrid”.
A conselleira abundou no compromiso de investimento de 1.000M€, para a conexión de Lugo co AVE, cunha 1ª fase que culminaría neste ano 2021, reducindo o tempo de viaxe con Madrid ao entorno das 4 horas. E incidiu que en 2021 practicamente ningunha das obras comprometidas están iniciadas e aínda se está a licitar os contratos, o que demora ata o ano 2024, como pronto, o remate da primeira fase da modernización do ferrocarril a Lugo.
Tamén, puxo o acento na aínda máis preocupante redución do investimento á metade, e que se descarten as variantes de trazado que se prevía executar na segunda fase, “o que na práctica quere dicir que o Goberno de España semella renunciar a conectar a provincia de Lugo coa alta velocidade” lamentou.
Diálogo permanente co sector
A xuntanza celebrada hoxe en Lugo enmárcase no diálogo permanente do departamento que dirixe Ethel Vázquez cun sector fundamental para a economía, para o emprego e o funcionamento da sociedade.
A conselleira salientou que a Xunta, consciente da importancia e do valor social do transporte de mercadorías, segue traballando para intentar que poidan desenvolver ese labor nas mellores condicións. Con ese obxectivo, o pasado ano o departamento de Infraestruturas e Mobilidade puxo en marcha o Observatorio do Transporte de Mercadorías de Galicia, como unha ferramenta para calcular os custos de funcionamento desta actividade, e hoxe abordáronse as impresións do sector ao respecto.
No encontro tamén se informou da apertura, o pasado 11 de marzo, do prazo para que as entidades de transporte por estrada soliciten as axudas para a formación, ás que este ano a Xunta destina 400.000. O pasado ano, estas axudas permitiron a realización de máis de 1.100 actividades formativas das que se beneficiaron máis de 11.300 profesionais.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocará esta tarde a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
