Ribadeo, 3 de marzo de 2021. O Concello de Ribadeo realiza estes días a limpeza de cunetas en estradas das parroquias costeiras. Os traballos estanse a acometer con medios propios e tamén externos. A tarefa seguirá despois polo interior.
O alcalde, Fernando Suárez, contou que “estamos traballando con moita intensidade nestes días nunha actuación xa programada hai un tempo polo compañeiro Mundiña, o concelleiro ata hai uns días de Medio Rural. Trátase da limpeza de cunetas, especialmente nas parroquias costeiras que tiñan unha falta enorme desde hai xa bastante tempo”.
O rexedor sinalou que “estivemos por unha banda facéndoo con medios propios con esta nova máquina limpadora de cunetas, que está dando moi bo resultado alí por onde estamos indo, e por outra banda tirando de recursos externos facendo unha contratación menor para realizar unha limpeza de cunetas na subida a Noceda, na estrada do Monte, nos barrios de Vilagoiz e de Vilandriz”.
Suárez Barcia indicou que “son unha serie de quilómetros que, entre o contratado fora e o feito con recursos municipais, nestes aproximadamente dous meses imos actuando sobre uns sesenta quilómetros de cunetas municipais, que sen dúbida é moi importante pero queda moito máis por facer. Pero estamos iniciando unha actuación máis integral por todas as parroquias e estas parroquias costeiras no sucesivo serán seguidas por outras do interior”.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
