Lugo, 22 de marzo de 2021. A Secretaria Provincial do PSdeG e Deputada Autonómica, Patricia Otero, acusou hoxe ao PP de tentar torpedear os investimentos do Goberno de España na provincia de Lugo.
A dirixente socialista dixo que o “PP de Lugo coa súa Presidenta á cabeza, Elena Candia, tenta torpedear os investimentos orzamentados e xa compensados que vai executar e materializar do Goberno de España para, por fin, modernizar e dignificar a liña de ferrocarril que une á capital da provincia con Ourense coa Meseta”. Otero advirte que nun “ataque de desesperación de difícil precedente, Elena Candia, tenta ademais manipular á plataforma “Lugo Non Perdas ou Tren” que leva anos de loita reclamando o que agora xa se comeza a materializar”.
546 millóns de euros
A Secretaria Provincial sinala que “é difícil entender que o PP persista en antepoñer a confrontación aos intereses da provincia. En lugar de aledarse e de arrimar o ombreiro, só se adica á gresca para tentar ocultar unha gran noticia para todos os lucenses e toda a provincia. Como é que o ferrocarril vai ser modernizado, e que nos beneficiaremos en tempo e comodidade cun investimento de 546 millóns de euros aprobada polo Goberno de España”.
Así as cousas replica que “as mentiras de Candia e os seus subordinados – incluído o Delegado da Xunta en Lugo que se dedica a contradicir o bo clima alcanzado polo Presidente da Xunta co Ministerio de Transportes – non poden ocultar a verdade. A única realidade é que por primeira vez os anuncios e os estudos convértense en realidade, e polo tanto, a modernización e a electrificación do tren xa é imparable. Con estas obras, Lugo formará parte dunha rede competitiva que nos unirá ao resto do país”, insistiu.
A promesa de Feijóo
Patricia Otero advertiu tamén que “o Presidente Alberto Núñez Feijóo leva xa 12 anos de atraso para cumprir a súa propia promesa de que, con recursos da Xunta, uniría Lugo e Ourense con AVE. Por iso, o PP debería lembrar que todas as actuacións do Goberno de Rajoy no ferrocarril da provincia quedaron en estudos e papeladas, todos eles xa caducados”, denunciou.
Por último, Otero emprazou “a Elena Candia a que abandone a pelexa e, por unha vez, coloque por riba das siglas do seu partido os intereses de Lugo e dos lucenses. E ao Delegado da Xunta, Javier Arias, a que exerza o seu papel institucional e non poña a Delegación ao servizo do PP. En caso contrario, levaremos a súa neglixente actuación ao Parlamento de Galicia”, espetou.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
