Viveiro, 5 de abril de 2021. O orzamento anual é o documento máis importante que aproba o pleno municipal en cada exercicio. Unha vez máis, o goberno local, presidido pola socialista María Loureiro, chega tarde e mal no que as grandes contas se refire, o mesmo que pasa noutros moitos asuntos municipais. Chega tarde, explica o portavoz popular, Óscar Rodríguez, porque o orzamento municipal debeu ser aprobado en decembro, para que entrara en vigor nas primeiros días de xaneiro. E non é así. E chega mal, porque, en opinión dos populares, son unhas grandes contas nas que se aprecia falta de traballo, de imaxinación e de proxecto para Viveiro. Co proxecto orzamentario que maña aprobará o goberno, sen contar co apoio do PP, non hai partidas que permitan impulsar as intervencións urbanísticas que precisa a cidade, nin apoio á xeración de emprego e moito menos capacidade para o desenvolvemento de políticas sociais activas, tan necesarias nun tempo de crise como o actual.
O portavoz popular, Óscar Rodríguez, indica que o proxecto de orzamento xeral do concello baixa, con respecto ao do ano pasado, en case un millón, de maneira que pasa de 14 a pouco máis de 13 millóns, dos que só 241.808 euros corresponden a inversións reais. “Mal empezamos xa no total, porque é evidente que a crise económica xerada pola pandemia de covid-19 esixe unha implicación municipal con todos os recursos dispoñibles”, di Rodríguez. E engade: “Cando os recursos esperados quedan moi por debaixo das necesidades reais, os gobernos teñen que moverse e xestionar maior apoio das demais administracións. E se non o fan, como ocorre en Viveiro, non merecen a confianza dos administrados”.
Da pobreza das grandes contas deseñadas por Loureiro e o seu equipo para o presente exercicio económico dan idea algúns datos: para apoio aos migrantes, en 2019 había 87.000 euros; no proxecto para este ano, 3.000 euros. Para “outros servizos complementarios” de Educación, no 2019, consignáronse 115.000 euros, mentres que para o ano en curso non hai nada; para orientación laboral, no 2019, o Concello de Viveiro reservou 38.000 euros, que se quedan en 100 euros para este ano. En Igualdade pasouse de 65.600 euros no 2019 a 11.150 neste proxecto orzamentario. Para axudas ao pequeno comercio, aos autónomos, etcétera, no 2020 había 400.000 euros; no actual, só 200.000. Rodríguez di que “o goberno de María Loureiro vai ter moi difícil explicar aos cidadáns o porque dunhas grandes contas que chegan tarde e tan mal”.
Os concelleiros populares lamentan que a falta de interese do goberno local por xerar investimentos no municipio quede tan patente neste proxecto de grandes contas. Óscar Rodríguez destaca así a falta de partidas suficientes para estimular, xunto con outras administracións, a rehabilitación dos casco histórico, que debería de ser a xoia máis prezada do Concello. Sinala: “A desidia do goberno municipal, ben reflectida neste proxecto orzamentario, propicia que cada día sexan máis os edificios en estado deplorable no casco histórico, e consecuentemente, que cada día estea menos habitado”. En resumo, di Rodríguez, “o proxecto orzamentario chega tarde, é pobre, inadecuado para a realidade de Viveiro e pon de manifesto a falta de xestión do goberno municipal”.
.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
