Ribadeo, 6 de abril de 2021. A Concellaría de Medio Ambiente fai un balance positivo da campaña de control das colonias gatunas que deu comezo hai dous meses. En total xa foron esterilizados 20 gatas e gatos. O edil Jorge Díaz Freije agradece a implicación do voluntariado e das dúas clínicas veterinarias nesta iniciativa.
O concelleiro ribadense dixo que “o balance deste proxecto de control de colonias de gatos e gatas da vila no ámbito urbano é bo. Apenas levamos un par de meses, pero a verdade é que vai moi ben. Isto é grazas a todo o voluntariado que se está implicando sen ningún problema e tamén grazas ás clínicas que están moi interesadas en que todo vaia para adiante”.
Díaz Freije sinalou que “aproximadamente van uns vinte gatos e gatas, a maioría son gatas. Todos estes focos que tíñamos en previsión estamos pouco a pouco intervindo neles e en todos se vai collendo algo. O gato é un animal bastante desconfiado e se a persoa que normalmente lle dá de comer non está é complicado collelo. Estamos indo agora pouco a pouco por outras zonas que tamén están afectadas”.
O edil de Medio Ambiente reitera as grazas ao voluntariado: “quero darlle a miña noraboa porque están a facer unha gran labor de veciñanza e creo que isto que vai por bo camiño”.
Jorge Díaz engadiu que “no Concello temos un pequeno presuposto para todo isto e en canto se chegue ao tope teremos que parar, pero despois haberá máis capítulos. Temos fichas e están rexistrados para darlle unha forma legal a todo isto que poidamos trasladar a outras administracións para que poidan colaborar con esta iniciativa tanto voluntaria como veciñal e do Concello”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
