Viveiro, 28 de abril de 2021. Ante a desinformación e as descalificacións ás que nos ten acostumado o voceiro do Grupo Municipal do PP, dende o goberno municipal quérese explicar aos veciños e veciñas en que consiste o Plan de Promoción Turística levada a cabo pola Deputación de Lugo, no que se inclúe o Plan Actívate.
A Deputación de Lugo ten un plan de promoción turística para toda a provincia, mediante ao cal vai realizar, ao longo do ano, diferentes promocións nos distintos concellos. Este plan comezou agora co programa Actívate, que consta de 18 actividades que se levarán a cabo por diferentes puntos da provincia entre maio e xuño.
Viveiro está, por suposto, incluído nese Plan de Promoción Turístico da Deputación de Lugo, polo que non perdeu nada; estamos aí, a Deputación de Lugo vai continuar desenvolvendo este plan de promoción turística, no que Viveiro terá a promoción que se merece, incluíndo iniciativas atractivas, importantes e beneficiosas para o noso concello, que se derán a coñecer cando corresponda.
Queremos deixar claro, asemade, que do que non se pode acusar a este equipo de goberno é de non colaborar co comercio e coa hostalería.
Fumos dos primeiros concellos da provincia de Lugo en acordar a creación dun Plan de Reactivación Económica. Neste momento estamos xa co II Plan de Reactivación Económica e somos un dos poucos concellos da Mariña e da provincia de Lugo que destina unha cantidade determinada do seu presuposto a axudas directas, concedendo 1000 euros aos hostaleiros, dentro do Plan de Rescate da Xunta, e 850 euros a comerciantes e autónomos, polo que consideramos que non se nos pode acusar de non colaborar e non solidarizarnos co sector e coa promoción turística.
A pesar de que non temos por costume responder ás continúas descalificacións e faltas de respecto por parte do voceiro do PP (que non todos os concelleiros do PP), vémonos na obriga de realizar estas aclaracións e solicitar que dunha vez deixemos a crispación a un lado, por que o que os veciños de Viveiro queren é que nos unamos e traballemos xuntos, polo que aproveitamos a ocasión para animalo a que veña ao concello, que aporte e que traballe, deixando a un lado os insultos e as faltas de respecto.
Finalmente, unha vez máis, rogamos que, antes de sacar unha nota de prensa desinformando aos veciños e veciñas, pregunte e despois, se quere, que xulgue, pero primeiro que pregunte, que é algo que non fai.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
