Viveiro, 14 de abril de 2021. O goberno municipal de Viveiro conseguiu que, pese ao voto en contra do PP, o pleno dera o visto bo ao novo regulamento da corporación municipal. Co curtopracismo que caracteriza a xestión da alcaldesa, María Loureiro, e ao seu equipo, deseñaron un regulamento cuxo fin principal parece ser, en opinión dos concelleiros populares, o de intentar frear o traballo do PP, que é o grupo maioritario da oposición. E iso sen considerar sequera que os propios socialistas terán que sufrir esta normativa no próximo mandato, se non é modificado, e se, como é moi probable, están na oposición. O portavoz popular, Óscar Rodríguez, sinala que o novo regulamento non foi consensuado e que as alegacións presentadas polo PP foron rexeitadas sen debate. A normativa reflicte claramente, di Rodríguez, a mentalidade escasamente democrática de quen o promoveu e o pouco interese que ten o goberno local en que se escoite no pleno da corporación a voz dos veciños de Viveiro. Avisa á alcaldesa: “Se pensa que co novo regulamento da corporación vai frear o noso traballo, está moi equivocada; non vai impedir que sexamos a voz dos veciños nos plenos”
O portavoz popular, Óscar Rodríguez, destaca a importancia do pleno como foro de debate dos asuntos municipais, “que debe reflectir o traballo do goberno e da oposición”. Sospeita que, precisamente por elo, aos socialistas non lles interesa que se escoite a voz do PP no pleno, ou polo menos intentan que se escoite o menos posible. Rodríguez dixo na recente sesión plenaria que “dá a sensación de que o único que queren é que os plenos sexan curtos e que para iso se lles ocorreu a idea de limitar o número de iniciativas que pode presentar o PP de Viveiro e fano ao máis rancio estilo bolivariano; isto molesta, isto se elimina”.
O portavoz popular di que “os veciños de Viveiro teñen que saber que con este regulamento tanto o BNG como Por Viveiro terán o mesmo límite de iniciativas que o PP, que ten cinco concelleiros; a partir de agora, no pleno nós teremos a mesma opción dunha moción e tres preguntas como calquera outro dos outros tres partidos con moitos menos concelleiros”. Engade: “Nós queremos traballar, queremos aportar iniciativas, queremos defender as iniciativas dos cidadáns: se pensan que deste xeito nos impedirán facelo, xa lles dicimos que non o lograrán; teremos que estimular o noso enxeño para ser escoitados”.
Rodríguez avisa aos socialistas de que, “en política, todo é cíclico e hai moitas posibilidades de que este regulamento se volva contra vostedes, pero iso é cousa súa”. Engade: “Nós, por moitas limitacións e dificultades que nos poñan, seguiremos na nosa liña de traballo, facéndonos eco das preocupacións dos veciños, aportando solucións aos problemas e traballando polo progreso de Viveiro”.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocará esta tarde a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
