Guitiriz, 7 de abril de 2021. O Concello de Guitiriz organiza a segunda edición da carreira virtual Guitiriz Termal solidaria. Nesta edición, que se celebrará do 12 ao 18 de abril, o obxectivo é recadar fondos para doalos a ‘Somos unidos por el Cáncer’, unha asociación fundada por un grupo de nais e pais con fillos (nenos e adolescentes) enfermos de cáncer e que traballa para axudalos a eles e á súa contorna.
O prazo para anotarse á proba xa está aberto na web oficial https://guitiriztermal.ccnorte.com/ e os que desexen participar poderán sacar o seu dorsal ata o último día, o 18 de abril. O prezo mínimo é de 2 euros pero a partir desa cantidade poderase facer un donativo a maiores.
A distancia a percorrer será de 5 quilómetros para a carreira e de 7 quilómetros para os que fagan a andaina. Co fin de facilitar a realización da carreira, propóñense uns percorridos pero pode facerse onde cada un queira.
Entre os participantes sortearanse 30 vales de 20 euros, doados polo Concello, para gastar na hostalería de Guitiriz. O sorteo terá lugar o luns 19 de abril no Concello e do 20 de ao 30 de abril poderán recollerse os vales no Concello presentando o DNI ou unha autorización firmada. No caso dos menores de idade deberán ser os pais os que o reciban. O prazo para gastalos rematará o 30 de maio de 2021.
O concelleiro de Deportes, Iván Morado, explicou que “quixemos repetir esta iniciativa porque, a pesar da situación sanitaria actual, parécenos moi importante fomentar o deporte” e lembrou que “o máis importante é a natureza solidaria do evento, o ano pasado quixemos recadar fondos para facer fronte ás situacións de emerxencia social xeradas pola pandemia e este ano queremos facer a nosa pequena aportación ao traballo de ‘Somos unidos por el Cáncer’.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
