Lugo, 10 de maio de 2021. A Consellería de Infraestruturas e Mobilidade vén de rematar traballos de limpeza en treitos interurbanos do río Xunco ao seu paso pola parroquia de Sargadelos, en Cervo, e no río Xunqueira en Cabandela e Os Muíños, no municipio de Viveiro. Igualmente, hoxe mesmo comezan as tarefas no Rego de Nois, na parroquia de San Xiao de Foz.
O delegado territorial da Xunta en Lugo, Javier Arias, explicou que en conxunto estas limpezas afectan a preto de 10 quilómetros de treitos interurbanos destes ríos, practicamente a metade no Xunqueira (4.967 metros), e o resto no Xunco (2.514 metros) e Nois (1.820 metros).
Son actuacións preventivas que executa a Xunta para mellorar o comportamento hidráulico e minimizar os efectos das posibles enchentes. En concreto, realízanse labores de retirada da vexetación do leito, árbores e pólas caídas así como silvas, carrizos ou fentos, e elimínanse as obstrucións que puideran entorpecer o curso da corrente.
Arias subliñou que a Xunta programa continuamente este tipo de intervencións, a través de Augas de Galicia, no marco do plan de mantemento, conservación e mellora no dominio público hidráulico das bacías de Galicia-Costa, para favorecer as condicións naturais do ecosistema dos ríos.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.