Foz, 9 de maio de 2021. A presidenta provincial, Elena Candia, acompañada do voceiro do PP en Foz, Javier Castiñeira, proseguiu coa xunta local do PP deste municipio as reunións de traballo que está a levar a cabo coas agrupacións locais da provincia. Durante o encontro, os populares expuxeron a súa preocupación pola situación política deste concello, concluíndo que “Cajoto é o alcalde que menos sumou para Foz e o presidente da Mancomunidade que menos se preocupou pola Mariña”.
Proba delo, é que a súa presenza como tal no encontro organizado pola Secretaría de Estado de Turismo en Lanzarote, e no que se presentou a Estratexia de Sostibilidade Turística en Destino, “tan só serviu para facerse a foto coa ministra Maroto, porque o que son investimentos, non trouxo nin o primeiro”, argumentaron.
Candia e Castiñeira atribuíron este feito “ao pouco peso político” do socialista, advertindo que “o lóxico sería que aproveitase o encontro para trasladar ao Goberno a importancia de dar unha solución, por exemplo, a Alcoa ou de potenciar a comarca e os nosos recursos”.
“Lonxe de presionar para que o Goberno central e a Sepi non se desentendan da fábrica de San Cibrao e de implicarse como alcalde da comarca para que se materialice a venta, parece que só foi ás Canarias a pasar un bo día”. “Temos que dicir que agardabamos unha maior preocupación, pero non só son fotos, é tamén esixir responsabilidades a quen corresponda e, no futuro de Alcoa, o Executivo de Sánchez tenas sen ningún tipo de dúbidas”, insistiron.
“Con Cajoto chegou a inestabilidade gobernamental”
Por outra banda, e en clave máis local, recoñeceron que “con Cajoto chegou a inestabilidade gobernamental”. “Temos o goberno máis inestable de todos os tempos. Case que se podería dicir, apuntou a presidenta, que Foz é o Concello do PSOE con máis concelleiros que se dan de baixa”.
Para a dirixente dos populares esta circunstancia “non é un tema menor”, xa que “se non te entendes cos teus, malamente se pode dar un servizo eficaz aos veciños dende o cargo que se ocupa”, afirmou.
Elena Candia referiuse así a que, dende que se constituíu a Corporación en xuño de 2019, xa renunciaron como edís Verónica Peña, que fixo efectiva a súa baixa logo do conflito relativo ao centro de día; Héctor Moris, que alegou motivos familiares e persoais; e, a última, Milagros Louzán, que tan só levaba como concelleira pouco máis dun ano.
Con este feitos, a presidenta animou aos presentes “a seguir traballando da man de Castiñeira, pois, nos últimos anos, os proxectos máis importantes de Foz, levan o seu selo”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
