Foz, 12 de maio, 2021. O pasado pleno do Concello de Foz acadou unanimidade en duas propostas do BNG de Foz. Por unha banda a iniciativa para liberalizar e abrir ao tráfico comercial o dique norte do Porto de Alcoa en San Cibrao e a segregación da Autoridade Portuaria de Ferrol-San Cibrao. A importancia destas medidas para a economía de Lugo e da Galiza e notable pois a posta en funcionamento do dique norte, permitiría habilitar un peirao de atraque de 240 metros de lonxitude para buques de 222 mts de eslora, 11,5 mts de calado e 50.000 m2 de esplanada portuaria. A autoridade Portuaria Ferrol – San Cibrao non chega a invertir na provincia de Lugo, nin en San Cibrao nin na Mariña nin siquera o 5% do recaudado aquí no peirao de Morás por taxas e outros conceptos e falamos de cantidades anuais que rondan os 10 millóns de euros. Esta infraestrutura traería consigo unha maior dinamización socioeconómica de A Mariña e, por extensión, da nosa provincia, dinamización mais que necesaria sobre todo pola situación que se está a vivir polo incerto do futuro industrial da comarca.
Por outra banda no eido sanitario o BNG de Foz fixose eco do colectivo querENDO, e acadou a unanimidade para mellorar a asistencia a endometriose. Ista é unha doenza inflamatoria, progresiva, estróxeno-dependente, de orixe descoñecida que consiste na implantación e crecemento de tecido endometrial (glándulas e estroma) fóra do útero, na gran maioría dos casos no peritoneo pélvico e os ovarios, pero que pode afectar calquera parte do corpo da muller. Con diferentes graos e severidade, os síntomas condicionan unha limitación na calidade de vida das doentes e seu pronóstico, e mesmo provoca infertilidade. O retraso medio do diagnóstico é de 8 anos, e vén dado por dúas causas fundamentais: 1- O descoñecemento da doenza e dos seus síntomas por parte das mulleres e 2-a pouca atención que, ata o momento, o sistema sanitario prestou aos síntomas da endometriose, asociando falsamente a regra coa dor, e normalizando este síntoma principal da doenza. No Congreso aprobouse por unanimidade a primeira PNL no ano 2006, mais fóronse dando pasos que em absoluto están em equilíbrio coa gravidade do asunto. En 2015 unha moción relativa a endometriose foi aprobada por unanimidade no parlamento de Galiza mais, em febreiro de 2018 o PP rexeitou a solicitude de ratificación daquela moción. O BNG de Foz cre que xa é hora de poñer em marcha medidas que leven informar a toda a sociedade desta doenza, a formar ao persoal sanitario no seu correcto e temprano diagnóstico e tratamento e poñer a disposición os recursos necesarios na sanidade pública que permitan a formación de unidades específicas e multidisciplinares. Cadrando com esta proposta, o Grupo do BNG no Parlamento da Galiza acadou este mesmo mês, tamén unanimidade desta proposta.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
