Madrid, 12 de maio de 2021. O deputado do BNG no Congreso, Néstor Rego, acaba de rexistrar varias iniciativas na cámara baixa para que o Goberno do Estado modifique o proxecto de trazado da Autovía da A-74 da Mariña, tramo que abrangue de Foz a Barreiros. A formación nacionalista propón a construción dunha conexión directa do Polígono Industrial de Barreiros co ramal de ligazón xa prevista entre a N-634, a A-74 e a A-8.
Desde que comezou a exposición pública dos estudos informativos da autovía, o Concello de Barreiros mantivo conversacións cos técnicos responsábeis do proxecto da A-74 e cos funcionarios do Ministerio de Transportes, Mobilidade e Axenda Urbana en que se lles trasladou a necesidade e a obriga de conectar o Polígono con esta nova infraestrutura. Así mesmo, a Administración municipal enviou alegacións que recollen as demandas das empresas instaladas actualmente no Polígono de Barreiros de incluír no proxecto a conexión do polígono coa futura autovía.
“No deseño e desenvolvemento de todo polígono industrial resulta fundamental para o seu bo funcionamento e éxito empresarial, garantir unha boa conexión a todas as redes e infraestruturas de comunicación próximas e, no caso de non existir, preverse a súa futura execución” subliña o deputado nacionalista. Rego tamén apunta que, no caso do Polígono Industrial de Barreiros, o Goberno do Estado “debe garantir a conexión directa con esta nova vía de comunicación para axilizar a entrada e saída de vehículos de transporte”.
Mais o Ministerio de Transportes, Mobilidade e Axenda Urbana non contempla no proxecto ningún tipo de conexión do Polígono co ramal de ligazón en que confluirían a A-74, a A-8 e a N-634, nin tampouco se realiza ningunha proposta que permita unha conexión futura. Esta deficiencia provocaría prexuízos de carácter social e ambiental, ademais de contribuír a retardar o tráfico nesas dúas vías convencionais cun tránsito continuado de vehículos pesados.
“A distancia entre o Polígono e ese nó de conexión sería só 87 metros e, de non existir esa conexión, os vehículos terán que rodear todo o Polígono Industrial a través da N-634 e a N-642 cun percorrido total de 2,1 quilómetros que desemboca nunha rotonda de acceso demasiado pequena e que causa serios problemas para o acceso de camións e outros vehículos de grandes dimensións” explica Néstor Rego. Alén do máis, o deputado do BNG reclama ao Ministerio de Transportes, Mobilidade e Axenda Urbana que atenda as alegacións e informes que recollen os argumentos expresados. “Esta conexión viaria é fundamental para o futuro do Polígono de Barreiros e a economía do Concello e do conxunto da comarca da Mariña, polo que resulta imprescindíbel un compromiso público por parte do Ministerio, que debe dar a coñecer a súa decisión sobre se a incluirá no proxecto da futura A-74” conclúe o deputado nacionalista.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
