Lugo, 4 de maio de 2019. O Presidente da Deputación, José Tomé Roca, acompañado pola Deputada de Réxime Interior, Promoción do Territorio e Turismo, Pilar García Porto, e o Deputado de Promoción Económica e Social, Pablo Rivera Capón, fixo entrega este martes dunha vitrina ao coronel xefe da Comandancia Garda Civil, Miguel Ángel González Arias, para conservar a única bandeira republicana que o corpo armado ten en Galicia. Ao acto, celebrado no Pazo de San Marcos, asistiu tamén a Subdelegada do Goberno en Lugo, Isabel Rodríguez López.
Tomé Roca deu así resposta á petición que a principios deste ano fixo chegar o propio oficial superior da Garda Civil á institución provincial. “É unha honra poder axudar a conservar parte do legado histórico da nosa provincia e do país. Este é un emblema único do corpo armado en Galicia e esta dotación permitirá, dunha banda, manter unhas condicións ideais de illamento para evitar o seu deterioro e, doutra, expoñelo á cidadanía”, afirmou o Presidente. A insignia de 1935 retornou á provincia no ano 2019 dende o Museo de Valdemoro, logo de 75 anos en Madrid, e baixo a condición do cumprimento de estritas condicións de mantemento dada a súa antigüidade e o seu valor histórico.
A vitrina, financiada pola institución provincial, é un moble cunha superficie de vidro que se situará no vestíbulo da Comandancia e permitirá amosar a bandeira completamente estendida e conservala nun estado óptimo, protexida dos cambios de temperatura, humidade e po que puideran danala.
O Goberno da República concedeu en outubro de 1935, a bandeira nacional á Comandancia da Garda Civil de Lugo como recoñecemento ao labor realizado pola institución na provincia desde a súa creación en 1844. A confección e adquisición da mesma así como dos seus accesorios –hasta, punta de lanza co escudo da provincia de Lugo, cintas e cordóns dourados- foron sufragados polos concellos lucenses.
Permaneceu na Comandancia ata 1944. O 1 de xullo dese ano a Dirección Xeral da Garda Civil ordenou a retirada de todas as bandeiras que foran entregadas durante a República, polo que quedou depositada no Museo do Exército. No 2004 pasou ao Museo de Gardas Xóvenes de Valdemoro, onde a localizou o coronel xefe da Comandancia, Miguel Ángel González Arias. A bandeira retornou a Lugo no ano 2019, con motivo do 175 aniversario da fundación da Garda Civil, grazas ás xestións realizadas polo coronel González Arias, quen investigou sobre o seu paradoiro e a súa historia, ademais de conseguir que lle fora cedida á Comandancia en depósito.
Características da bandeira
Nalgún momento entre os anos 1936 e 1944, ocultouse a franxa morada da bandeira cunha tela de cor vermello, pero o emblema conserva todas as características que identifican as bandeiras da II República de acordo ao decreto de 27 de abril de 1931: forma cadrada, tres bandas do mesmo ancho, escudo bordado da República.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
