Burela, 14 de xuño de 2021. Hoxe ás oito da tarde na praza do Concello terá lugar unha recepción e homenaxe ao Pescados Rubén Burela de fútbol sala feminino, que nas últimas horas se proclamaba campión de liga. O alcalde, Alfredo Llano, recoñece o traballo, o xogo e o compromiso do equipo, que está a levar o nome de Burela por todo o mundo.
O rexedor contou que “hoxe recibimos con ilusión, ledicia e con todo o optimismo, porque nos están acostumando moi ben, ás xogadoras de fútbol sala feminino dado que é o que faltaba este ano, lograr o título de Liga, e aí está. Hai que facerlles un novo recoñecemento, pero tamén hai que valorar algo que para min é fundamental, o logro que se fixo con este equipo é digno de poñelo como exemplo. Somos referencia mundial, xa se ten recoñecido o equipo como o mellor do mundo en fútbol sala feminino e deron sempre motivos para merecer ese nomeamento porque desde entón non paran de gañar”.
Llano sinalou: “tamén teño que dicir que acadar este nivel de compromiso, de xogo e de solidariedade non é fácil e é derivado do traballo ben feito e da organización. Penso que é unha boa motivación para o resto da xente á que lle gusta o deporte, que o fútbol sala estea a este nivel en Burela. Como consecuencia de todo isto hai dous recoñecementos, un deles é que a afección de Burela é exemplar e realmente tira para que estes resultados se acaden, porque sen unha afección comprometida como a de Burela non sería tan fácil”.
O alcalde dixo que “hoxe, ás oito da tarde, imos facer unha recepción na praza do Concello para manifestar o noso cariño con todas estas xogadoras e aplaudirlles este novo mérito, que merece moito a pena”.
Alfredo Llano engadiu que “isto nos está levando por todo o mundo. Eu teño visto uns informes, unha vez recoñecido como mellor equipo do mundo, que foi comentado e difundido en moitos países do mundo. Este é un escaparate importantísimo, ademais dunha maneira optimista e moi positiva. Está recoñecéndose a Burela por este acontecemento deportivo. Todo suma, así que o noso agradecemento tamén vai por ese lado, pola promoción que supón para o noso pobo”.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
