Burela, 10 de xuño, 2021. A Bancada Laranxa será clave na continuidade do Pescados Rubén Burela FS na mellor liga do mundo. Vista Alegre vestirá mañá as súas mellores galas para acoller o segundo compromiso do play out, fronte a Durán Ejido Futsal, que pode outorgarlles aos mariñáns a permanencia. Será ás 21.00 horas, con emisión en directo de BurelaFS.TV.
“Levamos desde agosto con este obxectivo. Este equipo merece seguir en Primeira, traballou moito e demostrou que pode plantar cara a calquera. Temos por diante unha dobre oportunidade de ouro, na casa, e temos que facer os deberes xa o venres para non esperar á última opción, o domingo”, advertía a Xoia canaria, Javi Rodríguez, autor dun golazo o sábado pasado en terras almerienses, na vitoria laranxa (2-3).
O Pescados Rubén Burela parte con vantaxe e terá o apoio da Bomboneira: “Fixemos o máis difícil, conseguir o punto a domicilio, e esperamos sentencialo xunto a toda a familia deste club e desta vila xa mañá” confesaba o 7 mariñán, sen alardes de confianza, incidindo na excelente tempada do equipo revelación de Segunda: “Puidemos distanciarnos 0-3 na primeira parte pero El Ejido é un gran equipo e na segunda parte, co porteiro xogador, demostraron que saben como facer dano. Non debemos confiarnos; sabemos que temos que manter a mesma imaxe do partido da semana pasada; estivemos puíndo detalles e traballando o seu xogo de cinco tan recorrido”, explicaba o ala de La Gomera.
O último adestramento dos galegos será esta tarde ás 16.30 horas. Antes terá sesión en Vista Alegre xa Durán Ejido.
Convocatoria provisional Pescados Rubén Burela FS: 1. Edu, 2. Nito, 5. Iago Míguez, 6. Pitero, 7. Javi Rodríguez, 10. Matamoros, 12. Renato, 13. Giasson, 19. Bruno, 20. David Pazos, 22. Álex Diz, 23. Quintela, 24. M. Kaluza
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
