Viveiro, 23 de xuño de 2021. O Concello de Viveiro facilita o uso de instalacións municipais para acoller, por primeira vez no municipio, as probas “Young Learners” que realiza a prestixiosa Universidade de Cambridge para acreditar o nivel de coñecemento de lingua inglesa para nenos e nenas en idade escolar.
As probas terán lugar na sala multiusos da casa do concello e na sala de exposicións da biblioteca municipal o 29 de xuño de 2021. Están convocados 35 aspirantes de entre terceiro e sexto de primaria, para ser examinados de tres niveis diferentes: Starters, Movers e Flyers, correspondentes aos grados pre-A1, A1 e A2 do Marco Común Europeo de Referencia das Linguas.
A universidade británica envía para a celebración destas probas a Eva Souto, responsable de Cambridge Studies SL, e ao seu equipo de examinadores oficiais, co fin de velar por un correcto desenvolvemento das probas.
Clara Martínez, responsable da academia English Time, centro preparador oficial de Cambrigde, destaca a importancia da realización das devanditas probas en Viveiro, facilitando o acceso ás familias ás mesmas, e adianta que sería un grande avance que a vila se consolidara como lugar de referencia para a celebración de vindeiras destes exames.
Dende o Concello de Viveiro valórase moi positivamente que as probas “Young Learners” se poidan celebrar por primeira vez en Viveiro, evitando que os alumnos se teñan que desprazar. Polo tanto, o goberno local prestou a colaboración necesaria coa organización, facilitando o uso das dúas salas nas que se celebrarán os exames.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
