Lugo, 2 de xullo de 2020.- A Vicepresidencia da Deputación de Lugo convoca axudas a asociacións culturais por un importe total de 230.000 euros. A Xunta de Goberno provincial aprobou este venres as bases da convocatoria, que inclúe dúas liñas de subvencións: unha destinada á organización de actividades e iniciativas de dinamización cultural e outra dirixida a financiar investimentos en instalacións e equipamento nos seus locais sociais.
A vicepresidenta Maite Ferreiro sinalou que “con esta convocatoria renovamos o noso compromiso coas asociacións distribuídas polas parroquias, concellos e comarcas, que facilitan o acceso á actividade cultural en todo o territorio e xeneran un dinamismo moi necesario para o sostemento do tecido ecónomico vinculado a creación e á produción cultural”.
“Que se aprobe esta convocatoria é en si mesma unha boa noticia porque iso significa que o tecido cultural de base resisitiu á pandemia, e estamos orgullosas de poder decir que contribuímos a esa fortaleza, coas adaptacións da convocatoria que fixemos o ano pasado, coa creación dunha liña específica para equipamentos e instalacions pero tamén mantendo os circuítos de teatro, o Musiqueando e outras programacións que ao longo do ano ofrecemos a estas entidades”, expuxo a responsábel de Cultura.
Liña para a realización de actividades culturais
Esta liña está dirixida a promover a realización de actividades culturais por parte das asociacións. As achegas céntranse en financiar gastos derivados de iniciativas de dinamización cultural en todas as súas vertendes e de posta en valor do patrimonio material e inmaterial.
O obxectivo é contribuír ao desenvolvemento duunha actividade que incida no uso da lingua galega, que promocione os valores culturais e tradicionais dos distintos puntos do territorio e se adecúe á demanda e interese de toda a poboación.
As asociacións poden xustificar gastos diversos, desde os derivados da contratación de persoal ata os relacionados co desenvolvemento de actuacións culturais ou de promoción e difusión das actividades. As axudas
Liña para investimentos en equipamentos e instalacións
Esta liña diríxise a financiar investimentos para a mellora, o acondicionamento e a reforma de instalacións de uso cultural, ben sexan de titularidade das asociacións ben dispoñan delas, por alugueiro ou cesión. Tamén a adquirir equipamento, mobiliario e materiais de uso técnico e artístico vinculados ao desenvolvemento da súa programación de actividades, incluída a compra de libros en galego.
Trátase dunha liña de subvencións, creada na convocatoria de 2020 atendendo a demanda do tecido asociativo, moi condicionado pola situación sanitaria á hora de desenvolver a súa actividade.
A vicepresidenta da Deputación de Lugo, Maite Ferreiro, explicou que “foi unha convocatoria moi ben acollida, á que se presentaron medio cento de asociacións das distintas comarcas que solicitaron fondos para reformas nos seus locais o para adquirir equipamento, de condición moi variada, desde instrumentos ata equipos informáticos e audiovisuais”
Criterios
As axudas oscilan entre os 300 e os 3.000 euros en función dos criterios e baremos que se establecen na base da convocatoria.
Maite Ferreiro explicou que en ambos casos son procedementos de concorrencia competitiva, nos que as subvencions se outorgan atendendo a criteros e baremos establecidos nas bases”, que se publicarán ao longo da vindeira semana no Boletin Oficial da Provincia.
Segundo destacou, entre eses criterios figuran os relacionados co ámbito territorial no que a asociación desenvolve a actividade ou a súa consolidación como entidade cultural. “Primanse as iniciativas de asociacions de concellos de menos de 2.000 habitantes e tamén as de aquelas que levan máis tempo dinamizando culturalmente as parroquias e os concellos. É unha forma de recoñecer un traballo fundamental para o acceso á cultura en todo o territorio”.
As subvencións concederanse para actuacións que se desenvolvan ao longo de 2021.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocará esta tarde a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
