Ribadeo, 23 de xullo de 2021. Concello e Acisa asinaron esta mañá o convenio de colaboración que regula a axuda de 15.000 euros que recibe a asociación ribadense para seguir apoiando ao comercio e ao sector servizos, o consumo en clave local e para levar adiante diversas iniciativas. No acto participaron o concelleiro de Desenvolvemento Local e Comercio, Pablo Vizoso, o presidente e o xerente de Acisa, Francisco Iriarte e Jesús Pérez, e o secretario do Concello, José Rodil.
O edil explicou que “hoxe asinamos entre Acisa e o Concello de Ribadeo o convenio que regula a axuda de 15.000 euros como achega a esta asociación de comerciantes, industriais, servizos e autónomos e que vai servir para acadar os obxectivos precisos que nos marcamos, que son: seguir apoiando ao comercio e ao sector servizos de Ribadeo; apoiar o consumo en clave local; levar adiante iniciativas de innovación, de transformación dixital, de difusión do noso pequeno comercio, así como formativas e de promoción turística e comercial”.´
Vizoso Galdo subliñou que “deste xeito amosamos unha vez máis o compromiso do Concello coa actividade asociativa precisamente para que Ribadeo siga sendo e incluso incremente a súa notoriedade como referencia dun comercio próximo e de calidade e como un destino turístico principal e seguro”.
O presidente e o xerente de Acisa, Francisco Iriarte e Jesús Pérez, agradeceron a colaboración do Concello de Ribadeo que un ano mais, firma con esta entidade un convenio moi importante: grazas á firma deste convenio, poderemos desenvolver diferentes accións de dinamización comercial e hostaleira, de promoción comercial e turística, e o longo do ano poderáselle facer entrega de diversos materiais gratuítos os nosos asociados. Concello e Acisa estamos a ter unhas moi boas relacións, o que permite a firma desta axuda, estar a traballar noutras e tamén colaborar en asuntos diversos. Algo que sen dubida algunha é bo para Ribadeo e é bo para os nosos socios e socias”.
Desde Acisa engaden: “a isto chámaselle traballar por Ribadeo, polo seu comercio, pola súa hostalaría, 15.000 euros reais, que Acisa usará en diversas actividades, que se irán concretando o longo dos vindeiros meses”.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
