Lugo, 2 de xullo de 2021. O voceiro de Emprego do Grupo Parlamentario Popular, o lucense José Manuel Balseiro, vén de interesarse a través dunha iniciativa rexistrada no Parlamento de Galicia polo funcionamento dos obradoiros de emprego, programas financiados principalmente pola Xunta de Galicia e impulsados en colaboración cos concellos.
Para o deputado popular os obradoiros da Xunta representan unha oportunidade de “formación e emprego” para os seus participantes, pois permiten a adquisición de coñecementos teóricos e prácticos sobre unha determinada profesión e á vez, ao longo da súa duración, estas persoas reciben un salario.
Ademais todos os obradoiros que financia o Goberno galego teñen que incorporar no seu plan de traballo a realización de obras ou a prestación de servizos de interese social ou xeral. “Así por exemplo –explica Balseiro- os obradoiros teñen servizo para mellorar prazas, espazos públicos, edificios municipais aos que se quería dar novos usos, ou para o coidado de xardíns, mantemento de montes e espazos verdes, dixitalización de arquivos ou organización de actividades culturais e turísticas, entre outras”
Balseiro lembra tamén que o principal obxectivo dos obradoiros é que as persoas que neles participan amplíen a súa formación ao tempo que acceden a un contrato de traballo. Ambas circunstancias “por si soas e máis aínda combinadas” contribúen a mellorar a súa empregabilidade “ou dito doutro modo, as posibilidades de acceder a un emprego estable e de calidade, que é aspiración de todos”.
O deputado popular interésase por cantos e cales son os obradoiros de emprego financiados pola Xunta neste momento, e na actual convocatoria, a canto ascende o investimento autonómico destinado á súa posta en marcha, que accións concretas executan e, quere coñecer tamén, as previsións futuras respecto destas iniciativas, que forman parte da folla de ruta da Consellería de Emprego e Igualdade na nosa provincia.
A iniciativa de Balseiro non se limita a unha análise cuantitativo deste programas, busca tamén que a Xunta faga unha avaliación do funcionamento destes obradoiros e da súa utilidade. Nese senso, lembra que co apoio do Goberno galego hai hoxe en marcha dúas modalidades de obradoiros “que paga a pena coñecer polo miúdo como están funcioando”: a primeira inclúe o programa dirixido aos menores de 30 anos e a segunda para os chamados “obradoiros duais”, que incorporan prácticas en empresas.
Ante a utilidade “social” dos obradoiros de emprego Balseiro insiste en convidar a todos os alcaldes e alcaldesas da provincia a participar nas convocatorias que cada ano a Xunta publica para financiar estes programas. Unhas axudas que a Xunta distribúe conforme a criterios obxectivos como, por exemplo, o número de parados de cada municipio e a puntuación que obteña o proxecto que se pretende desenvolver con cada obradoiro.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
