Ribadeo, 4 de xullo de 2021. Os autónomos son unha parte esencial do tecido económico. A crise provocada pola pandemia obrigou a moitos a pechar os seus negocios e outros viron extraordinariamente minguados os seus ingresos. É necesario que a Administración estableza liñas de axudas. A Xunta ofrece préstamos para a mellora de instalacións e da financiación. O portavoz do grupo municipal popular, Daniel Vega, sinala: “Seguimos informando e colaborando con todo o noso tecido económico local. Nestes momentos estamos informando a moitos autónomos das novas axudas que ofrece a Xunta de Galicia, concretamente préstamos para mellorar instalacións e mellorar a súa financiación”.
Vega explica: “A Xunta de Galicia foi a única Administración aquí en Ribadeo en poñer orzamento para rescatar a moitas persoas que pecharon os seus negocios ou viron minguados os seus ingresos. O primeiro plan de rescate foi de 144.000 euros; o segundo, de 368.700 euros. E tamén estivemos axudando a moitos a mellorar as súas instalacións: no caso das terrazas, 184.830 euros”.
Segundo o portavoz do grupo municipal popular “se sumamos todas as axudas, estamos inxectando un orzamento para Ribadeo de 697.530 euros”. Engade: “Nós estamos axudando, queremos ser parte da solución, colaborar con todos e seguimos agardando a que o goberno do BNG empece a poñer axudas directas a todo o noso tecido económico. Xa sabemos que a resposta vai ser que non, pero nós imos seguir reivindicando que hai que colaborar economicamente, pero tamén informando e asesorando a todos os autónomos, que son os que levantan día a día ao noso pobo”.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
