Riotorto, 20 de xullo de 2021. O Voceiro Socialista de Riotorto, José García denunciou hoxe que o Goberno do PP de Clemente Iglesias, “ten completamente abandonadas e sen rozar as pistas forestais e municipais do Concello”. Ademais tamen aludiu á ruta do Ferro, “un atractivo turístico máis da nosa vila que tamén esta desatendida”.
Así o dixo, tras as queixas que lle trasladaron as propias veciñas e veciños da vila, “quen criticaron esta lamentable situación”. Advirte ademais que “hai pistas da nosa vila que non se tocan dende o ano 2015”, e lembra que durante o último goberno progresista de Riotorto “realizaramos unha limpeza en 300 quilómetros de pistas do Concello a través dun Convenio”, remarcou.
García critica que a “día de hoxe moitas destas pistas están intransitables, o que dificulta o tránsito dos nosos gandeiros por estas vías así como o traslado ás súas explotacións agrícolas”. E insistiu “o Goberno do PP parece que está máis preocupado por saír nos medios de comunicación que por solventar os problemas da veciñanza”, remarcou.
“Dende aquí emprazamos ao Alcalde e a todo o seu Goberno do PP, a que se poñan a funda e se poñan e traballar por mellorar a calidade de vida da nosa veciñanza. A limpeza e o adecentamento das nosas pistas forestais e municipais teñen que ser unha prioridade si queremos traballar e vivir no rural dignamente”, resumiu.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
