Ribadeo, 3 de agosto de 2021. Ata o 16 de agosto pode visitarse no parque de San Francisco a exposición Alimentación cotiá, unha ollada ao pasado e ao presente, que forma parte do traballo do obradoiro Vencellos da Memoria. A mostra foi inaugurada hoxe.
O concelleiro de Desenvolvemento Local, Pablo Vizoso, explicou que “a exposición Alimentación cotiá, unha ollada ao pasado e ao presente, que podemos ver estes días no parque de San Francisco, forma parte do traballo realizado polos alumnos e polas alumnas da especialidade de gravación de datos do obradoiro de emprego para persoas mozas Vencellos da Memoria. É unha pequena, pero ao mesmo tempo gran mostra do enorme traballo que realizaron durante estes últimos meses, organizando a documentación de arquivos municipais de Ribadeo e de Barreiros, cun obxectivo claro e principal, que é preservar e difundir o patrimonio documental e cultural destes dous concellos”.
O edil ribadense dixo que “neste labor de difusión intégrase esta exposición, que nos ofrece unha visión do papel fundamental que xogou no pasado e que xoga hoxe tamén como principal no noso presente o comercio de proximidade na economía e na vida social dos nosos concellos. Apostar polos produtos locais, polos produtores e produtoras que temos nos dous concellos, de Ribadeo e Barreiros, significa apostar polo futuro”.
Vizoso Galdo contou que “é unha exposición composta por 12 paneis sobre o comercio de proximidade tanto do pasado como do presente da vila de Ribadeo: hai un panel dedicado ao mercado dos mércores, outro ao mercado dos domingos, un máis dedicado á praza de abastos, con planos orixinais da súa construción e a historia e biografía de Ramón González, que foi quen realizou a doazón para a súa construción. Temos tamén outro panel dedicado á escola Pedro Murias, destacando o papel que xogou no desenvolvemento do agro na comarca. E logo hai 4 paneis dedicados a contar as historias persoais e profesionais dalgúns das produtoras e produtores locais de cultivo de horta ecolóxico, cultivo convencional, de carne e outro tipo de produtores locais”.
E engadiu: “agardamos que esta pequena exposición contribúa a sensibilizar e a concienciar á cidadanía do valor que tivo e que ten actualmente o comercio local como un sector estratéxico e da importancia que merece e o recoñecemento a nivel social, político e económico”.
O concelleiro de Desenvolvemento Local tivo palabras de agradecemento para o obradoiro Vencellos da Memoria: “quero darlles as grazas e felicitar a todos os integrantes do obradoiro polo excelente traballo e polo enorme esforzo que dedicaron durante todos estes meses”.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
