Ribadeo, 31 de agosto de 2021. A Concellaría de Cultura ven de presentar a programación coa que se rememorarán as festas da Patroa do 4 ao 8 de setembro. Os espectáculos serán para ver sentados e en recintos perimetrados. Haberá concertos, pasarrúas e actividades infantís. En Ribadeo estará o Mago Antón o día 6 e o 8, Día da Patroa, os Cocos e os Cabezudos bailarán nun espazo habilitado para eles. Haberá misa cantada pola Coral Polifónica ribadense. Esa xornada tamén ofrecerá o seu tradicional concerto da Patroa a Banda Municipal de Música de Ribadeo. Non serán unhas festas patronais como as anteriores á pandemia, pero o Concello quere contribuír “a que siga vivo o noso espírito festeiro”, segundo declarou a concelleira de Cultura, Pilar Otero.
A edil dixo que “non queríamos deixar pasar un ano máis sen celebrar dalgún xeito as patronais. Seguimos en tempos incertos que nos demandan prudencia e é por iso polo que as propostas que trasladamos son sobre todo espectáculos para ver sentados e en recintos perimetrados, onde se gardarán as distancias e as medidas de seguridade reguladas fronte á covid 19. Lembramos que os eventos culturais están a ter unha case nula incidencia en transmisións de covid e iso é porque se están a facer as cousas de xeito adecuado. Estaremos de acordo en que debemos facer todo o posible por non perder a nosa vida social e as festas patronais, que desta vez non van poder ser tales, xa que non son unha festividade calquera para as veciñas e veciños de Ribadeo. Con ese ánimo presentamos un programa que esperemos que guste e ao que convidamos a todos”.
Pilar Otero explicou que “comezamos o sábado 4 con pasarrúas do Cuarteto Illa Pancha, a partir das doce. Pola tarde, ás sete no salón de plenos da Casa do Concello haberá un acto a cargo do cronista oficial, Eduardo Gutiérrez, que presentará a reedición, esta vez tamén no noso idioma, do libro O Camiño de Santiago de José Luis Trashorras Méndez. Ás oito e media comezará unha noite dedicada ao blues con dúas agrupacións de grande calidade no cartel, Martíns Aneiros Band e Travelling Brothers, que non necesitan presentación”.
A concelleira de Cultura seguiu a relatar que “o domingo, día 5, dentro do programa Musiqueando da Área de Vicepresidencia da Deputación de Lugo, actuará á unha e media a banda da asociación cultural Os Xograres de Lemos O Folión e ás oito da tarde, o grupo de música tradicional Os Misturos animará as rúas de Ribadeo. O luns 6 tamén soará pola mañá a música de Seimeira, e estará instalado no parque un camión máxico e é que o Mago Antón ofrecerá, desde as doce da mañá e ate as dez da noite, sesións de maxia co seu espectáculo A volta a Galicia en 313 concellos. O martes 7 volve Pakolas cun concerto para público familiar ás oito e ás dez comeza un evento musical que está tendo moitísimo éxito este verán nas vilas que visita, trátase de Mitic. El espectáculo, cuxo subtítulo, Deixa que a gaita che conte a banda sonora da túa vida, xa nos dá idea do contido. Música con temas que abranguen desde os anos 30 aos 80 e os 90 mais versionados de xeito que a gaita é a protagonista pasando a ser o violín de Candilejas, á guitarra de Brian May ou a voz de Frank Sinatra co seu inesquecible My way. Escoitaremos un tango ao son de El día que me quieras ou emocionaremos lembrando Escarlata O´Hara co tema de Tara. Os anos 60 levaranos á fiestra de Audrey Hepburn e o seu Moon River e chegaremos ao pop da man dos Beatles. Un espectáculo para todos os públicos onde non quedarán indeferentes nin os máis rockeiros ao escoitar os primeiros acordes de The final countdown e vibrar ao son dos Guns N´Roses, nunha maneira particular e diferente de homenaxear aos máis grandes da música como Ennio Morricone ou Freddy Mercury”.
Otero Cabarcos engadiu que “o mércores 8 será a aparición máis esperada por simbólica. Os Cocos e os Cabezudos non van poder facer o seu tradicional pasarrúas mais si que os poderemos ver nun espazo habilitado para que bailen, acompañados polo Cuarteto Illa Pancha na zona do Cantón. Ás doce na igrexa parroquial terá lugar a misa cantada pola Coral Polifónica de Ribadeo. Á unha e media, outro dos eventos máis queridos e esperados, o concerto do Día da Patroa a cargo da Banda de Música Municipal de Ribadeo. Remataremos a xornada co trío de jazz Mezcal Times no quiosco da música ás oito da tarde. Durante todos estes días de eventos, seguirá colocada, no paseo do parque, a exposición organizada pola Vicepresidencia da Deputación de Lugo, Xela Arias. A poesía do retrato, unha mostra que busca divulgar a figura da muller escritora homenaxeada este ano nas Letras Galegas”.
A concelleira de Cultura rematou sinalando: “dicir que con esta programación queremos contribuír a que, nestes días nos que Ribadeo debería estar de festa grande, siga vivo o noso espírito festeiro ata a celebración da Patroa de 2022, que seguro que serán uns festexos excepcionais”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
