Lugo, 28 de agosto de 2021. O Partido Popular da provincia de Lugo continúa avanzando no procedemento regulamentario de cara ao seu 18 Congreso que se celebrará o domingo 19 de setembro: abre o prazo de inscrición de compromisarios e inicia as reunións para escoitar as ideas de sectores e axentes estratéxicos para incluír as súas achegas ao comunicado que pronunciará a deputada autonómica Cristina Sanz.
A coordinadora do relatorio que leva por nome ‘Un proxecto de Partido. Un proxecto para Lugo’ está a recoller as aportacións de distintos ámbitos sociais e o luns dará inicio a unha semana de reunións programadas que se desenvolverán de forma presencial ou telemática. “Estas xuntanzas de traballo permitirannos escoitar as achegas dos representantes de colectivos empresariais, da madeira, da hostalería, do sector pesqueiro e do ámbito do turismo representado polos distintos xeodestinos da provincia”, apuntou Sanz.
A relatora explica que “estamos a manter contactos tamén con organizacións do sector lácteo e gandeiro e continuamos a recoller as achegas dos afiliados e membros do Partido Popular da provincia de Lugo en materia sanitaria, xuvenil e de igualdade”. Lembra, así mesmo, que continúa a disposición de calquera afiliado ou veciño da provincia o buzón de suxestións ‘Únete ao noso proxecto’ habilitado na web: https://ppdelugo.es/a-tua-opinion.
Cristina Sanz engade que “estas tomas de contacto co tecido social e económico da provincia forman parte do proceso participativo e aberto á sociedade”. Así fora anunciado pola propia relatora tras manter unha reunión de coordinación cos membros do Comité organizador do 18 Congreso. O obxectivo destas reunións é o de “incorporar ao comunicado as ideas dos distintos ámbitos sociais para abordar os retos de futuro da provincia”.
Inscrición de compromisarios
Os afiliados inscritos como electores dispoñen dende este sábado 28 de agosto ata o mércores 8 de setembro para inscribirse como compromisarios e depositar directamente o seu voto na urna o propio día do cónclave provincial. A inscrición debe formulala ante as xuntas directivas das agrupacións locais tal e como recolle o regulamento do Congreso dispoñible na web do partido: https://ppdelugo.es/reglamento-del-xviii.
Trala proclamación dunha única precandidata, a actual presidenta, Elena Candia; non será necesaria a consulta aos afiliados de apoio aos precandidatos e, polo tanto, o Comité Organizador do Congreso acordou que nas asembleas locais a celebrar o 14 de setembro só será necesario establecer unha urna para a elección de compromisarios, cando o número de candidatos supere ao número de compromisarios a elixir.
Tal e como se acordou na reunión da Xunta Directiva Provincial celebrada o 20 de xullo, deberanse elixir un total de 600 compromisarios designados polas agrupacións locais atendendo a un reparto outorgado un número en función do nivel de afiliación e dos porcentaxe de votos obtidos nas pasadas eleccións ao Parlamento de Galicia. A estes hai que sumar 18 de NN.XX. e os que son natos – todos os membros da Xunta Directiva Provincial do Partido Popular de Lugo, 141, e os membros da Comisión Organizadora do Congreso que non pertencen á Xunta Directiva Provincial, 6- que suman un total de 765 electores.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
