Santiago de Compostela, 28 de agosto 2021. O BNG rexistrou unha batería de iniciativas no Parlamento galego para instar a Portos de Galiza a paralizar a resolución pola que se levanta a prohibición da pesca recreativa nos portos galegos e se aproba o procedemento para a súa práctica e a retomar “de oficio as reunións da mesa de traballo coas entidades representativas do sector” co obxectivo de “acordar unha norma que non cree agravios e que se poida aplicar garantindo os mesmos dereitos e obrigas para todas as persoas a quen vai dirixida”.
Así o explica a portavoz parlamentaria de Pesca, Rosana Pérez, quen advirte da indignación das e dos afeccionados á pesca de lecer ante esta resolución do Goberno galego. “Despois de case un ano de traballo coas entidades representativas do sector, saca da manga de xeito unilateral unha delimitación de zonas que non son asumíbeis por ninguén e que establecen unhas condicións que farían esa actividade absolutamente impracticábel”, afonda.
Neste sentido, Pérez explica que “moitas das zonas que se habilitan para a pesca recreativa son perigosas ou inaccesible; noutras non se poden pescar porque quedan en seco coa baixada da marea e noutras, os tramos permitidos son tan reducidos que nin sequera se poderían gardar as distancias de 5 metros entre persoas que establece o propio Portos de Galiza”.
Logo de lembrar que en Galiza existen preto de 80.000 licenzas para a pesca recreativa, a portavoz nacionalista de Pesca asegura que “non é de recibo estar traballando durante meses nunha norma para ordenar esta actividade para rematar descolgándose ao final creando máis problemas dos que xa había”.
Neste contexto, o BNG vén de instar á Xunta a retomar de oficio as reunións da mesa de traballo e a paralizar a resolución xa publicada. Nas distintas iniciativas rexistradas na Cámara advirte tamén dos pasos “erráticos e incomprensíbeis” que continúa a dar o Executivo do PP, “creando excepcións ad hoc para cada caso e promovendo, fóra da norma, pactos entre os distintos sectores”.
“Non consideramos positivo nin moito menos equitativo que se pretendan resolver os casos individualmente e puntualmente en portos concretos segundo a presión que se faga”, asegura a portavoz de Pesca, quen conclúe incidindo na necesidade de que Portos de Galiza “volva ao diálogo e trate de acordar unha norma que non cree agravios e que se poida aplicar garantindo os mesmos dereitos e obrigas para todxs a quen vai dirixida”.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
