Viveiro, 14 de agosto, 2021. O goberno local de María Loureiro optou unha vez máis por prohibir, nesta ocasión na Área Etnográfica da Insua pechando o acceso de vehículos a unha zona especificamente deseñada para o aparcamento dos mesmos.
Sen sinais que advirtan do corte do acceso e sen espazo para cambiar de dirección, obríganse aos vehículos a saír marcha atrás, sendo un perigo que evidencia unha vez máis a improvisación e falta de planificación de medidas alternativas.
A concelleira do BNG, Míriam Bermúdez, destaca que “prohibir e pechar volveuse unha práctica habitual no goberno de Loureiro, aplicando esta forma de gobernar tan sinxela sen ofrecer alternativas”, e pon uns claros exemplos como o do Matadoiro Municipal ao que Loureiro non quere que o BNG teña acceso á documentación oficial e continúa sen convocarse a comisión solicitada, a prohibición permanente de cans nos areais, aseos públicos pechados como os do templete da música, ou mesmo que a piscina municipal peche os domingos cando desde o seus inicios sempre abriu todos os días da semana.
Uns anos atrás e neste mesmo lugar da Insua, xa fora recortada a área de aparcamento deixando apenas unha pequena zona na marxe dereita e que agora o goberno local remata de eliminala por completo quitando a posibilidade de aparcar na área etnográfica.
Para o BNG non hai dúbidas neste asunto, e exixe a María Loureiro a inmediata reapertura deste aparcadoiro público na súa totalidade chegando até a rampa que descende pola marxe esquerda, tal e como foi deseñada e proxectada polas arquitectas e arquitectos. Os nacionalistas aclaran que si esta medida se levou a cabo por algún tipo de acto vandálico, haberá que estudar as medidas necesarias para facer fronte aos mesmos así como facelos ver, concienciando e mantendo informada á veciñanza.
Por último, no BNG viveirense solicitan retirar os eucaliptos que están nacer por toda a área e o mantemento constante da zona, pois tamén hai que dar exemplo desde a administración pública local tendo as nosas zonas en bo estado e coidadas para que todas e todos as respecten.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
