Ribadeo, 13 de agosto de 2021.- O Partido Popular pide ao Goberno que encargue con carácter inmediato un estudo de viabilidade técnico-económica para conectar A Mariña con Lugo e con Santiago. Así se especifica na Proposición Non de Lei (PNL) presentada no Congreso e que inclúe esta análise no prazo de 6 meses. Así o anunciaron este venres en Ribadeo a presidenta provincial, Elena Candia, o vicesecretario de Participación do PP, Jaime De Olano, o senador José Manuel Barreiro, e o voceiro do Grupo Municipal Popular neste municipio, Daniel Vega.
“Estamos seguros de que é viable nos dous sentidos pero queremos que haxa un estudo completo para que o Goberno non teña escusas, como tantas outras ocasións”, sinalou Candia. E é que a proposta dos populares contribúe a vertebrar esta comarca co resto da provincia e de Galicia, xa que prevé a construción de 75 quilómetros de liña férrea entre a actual liña Lugo-A Coruña nun punto entre Baamonde e Begonte, e a localidade de Barreiros; así como, outros 30 quilómetros entre Curtis e Ordes.
“As infraestruturas son instrumentos para eliminar desigualdades. Ademais, nun momento no que o uso deste transporte é máis sostible, incluso sería moito máis defendible medioambientalmente. Por iso, remarcou, lideramos esta reivindicación que é de xustiza e necesaria”.
Chamamento á responsabilidade dos socialistas
A este respecto, a presidenta provincial e deputada autonómica, convida aos socialistas da Mariña a que se comprometan “de verdade” co ferrocarril da cornixa cantábrica e tilda de “insuficientes” os servizos de media distancia que comezaron a funcionar en xullo logo de 469 días de parón, como así o demostra a coñecida falta de espazo ou de revisores.
O Partido Popular fai un chamamento claro aos socialistas respecto deste asunto, “pois, non pode ser, indica Candia, este recorte de servizos e de trato sen piedade a unha comarca que, se lle quitas Alcoa, como se está facer; e as infraestruturas, quedará morta de todo”. E é que, apunta, “ter unha boa conexión por tren é irrenunciable e fundamental para garantir a mobilidade dos usuarios habituais e da xente que nos visita nestas datas”, afirma.
“Corrixir o agravio”
A tamén deputada autonómica apela á responsabilidade dos representantes do Partido que goberna no Estado, xa que, di, “teñen unha oportunidade de corrixir o que agravio que fixeron cos Orzamentos”. “O PP pedira emendas concretas sobre este asunto e foron todas rexeitadas. Aos principais proxectos que vertebran A Mariña, como tamén é o caso da A-74, non lles tocou nin a pedrea”, denuncia. Por iso, Elena Candia agarda que “desta volta recollan a nosa petición e que o PSOE lucense se faga oír en Madrid para que evitar que esta comarca sexa continuamente noticia polo castigo e pola falta de compromiso do Goberno”.
“Dende que Pedro Sánchez chegou á Moncloa, A Mariña só está a ser noticia pola situación da factoría de San Cibrao, co conseguinte lastre para o emprego, para a actividade industrial e a economía da comarca; polo déficit de infraestruturas, ao paralizar absolutamente a autovía que estaba proxectada; e polos recortes e deficiencias nesta liña ferroviaria. Que non nos veñan, por tanto, con contos porque os feitos indican que esta comarca non lle debe nada ao Partido Socialista, xa que o único que nos fixeron e fan é quitarnos o que tiñamos”, afirmou con rotundidade.
O PP, comprometido
Pola conta, detallou a presidenta, “o PP si que está comprometido cos mariñaos”. Neste senso lembrou que os populares pediran en novembro de 2020 no Congreso dos Deputados que o Executivo de Sánchez “non soterrase” a A-74 e a liña de Feve, propoñendo un investimento superior aos 9,3 millóns de euros, dos que, precisamente, 2,5 millóns eran para a renovación da liña Vegadeo-Ferrol, e que permitirían modernizar as infraestruturas e o material rodante do tren de vía estreita que comunica a cidade ferrolá con Ribadeo.
A proposta pretendía garantir unha partida suficiente para ofrecer un servizo de calidade aos 240.000 habitantes das comarcas de Ferrol, Ortegal e de A Mariña que, nos últimos anos, se viron afectados polo deterioro do servizo en horarios e frecuencias, pola redución de persoale pola falta de mantemento e de investimento para a mellora da vía; o que provocou constantes avarías e, polo tanto, a redución da mobilidade da comarca.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
