Ribadeo, 2 de agosto de 2021. O goberno municipal proxecta a construción dunha grande superficie multideporte e de lecer para a mocidade. Estará situada na mazá interior entre a Avenida de Galiza, a rúa Pintor Fierros e a rúa Daniel Cortezón, segundo anunciou hoxe o alcalde, Fernando Suárez. O investimento ascenderá a 400.000 euros, dos que a Área de Deportes da Deputación de Lugo aportará 340.000 e o resto serán fondos do Concello.
O rexedor dixo: “sabemos desde o goberno municipal as carencias que ten Ribadeo de lugares públicos para o lecer e para o recreo da xente moza deste concello. Ribadeo aínda vai contando con infraestruturas como pavillóns polideportivos ben equipados ou campos para o adestramento regrado de varias especialidades deportivas, entre outras. Pero Ribadeo adoece desde sempre de algo destinado a pasar un pedazo cos amigos e coas amigas xogando unha pachanga, tirando unhas canastras, practicando algo de voleibol, facendo algo de ximnasia ou incluso practicando outros novos deportes como o skate”.
Suárez Barcia manifestou: “diante desta situación, desde o goberno municipal queremos facer unha aposta moi seria, moi firme e moi importante para toda esta xuventude, que cando sae, tampouco ten demasiado a onde ir para xuntarse nos momentos de lecer”.
O alcalde subliñou que “queremos usar para todo isto a mazá interior de titularidade municipal que está entre a Avenida de Galiza, a Rúa Pintor Fierros e a Rúa Daniel Cortezón. E queremos construír unha grande superficie multideporte e de lecer: unha pista multideporte para fútbol, baloncesto e voleibol, outra pista de skate e máis un circuíto de calistenia. E todo isto complementado con dotacións para estar sentados, de tertulia, rodeados de árbores, con iluminación, etc. Trátase dun proxecto moi importante que ascenderá a uns 400.000 euros coas achegas do Concello e máis da Deputación de Lugo”.
Fernando Suárez indicou que “este ambicioso e necesario proxecto vai contar cun importante apoio da Área de Deporte da Deputación de Lugo, pois doutro xeito seríanos moi complicado só coas nosas achegas poder cubrir todo o custo. E foi por todo isto que o deputado delegado desa Área foi sensible ás nosas xustas demandas, polo que axiña vai poder ser realidade este desexo que tantos rapaces e rapazas nos teñen transmitido ao longo do tempo”.
O deputado de Deportes Efrén Castro sinalou “o compromiso da Vicepresidencia da Deputación de Lugo cos Concellos, neste caso para ampliar a dotación de infraestruturas deportivas. Trátase dun proxecto necesario para facilitar a práctica do deporte e da actividade física, nun concello moi dinámico neste ámbito, con clubs e deportistas de moi diferentes disciplinas”.
Ao que engadiu que “cremos que a filosofía desta instalación, ao aire libre, resulta especialmente acaída para estes tempos de postpandemia e moi atractiva para a mocidade. Deste xeito, e para que este proxecto se converta en realidade, nas vindeiras semanas imos a asinar un convenio bianual entre a Área de Deportes e o Concello de Ribadeo, a través do cal a Deputación aportará un total de 340.000 €”.
“Toda a sociedade o ten pasado moi mal nesta a pandemia, pero o segmento de xente adolescente aos que lles estamos pedindo continuamente compromiso tamén necesitan que nós nos comprometamos con eles. E niso estamos”, explicou o alcalde ribadense.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
