Ribadeo, 6 de agosto de 2021. RibadeoXVivo así se denomina a nova guía de turismo activo na natureza que acaba de editar o Concello con toda a información relacionada coas empresas de lecer que operan no territorio. Recolle máis de 20 actividades diferentes. Atópase en formato papel nas oficinas de turismo e tamén pode descargarse na páxina web de Turismo de Ribadeo. Foi presentada hoxe polo alcalde, Fernando Suárez, e polo concelleiro Pablo Vizoso.
O edil de Turismo dixo que “a área xeográfica que abarca o territorio do concello de Ribadeo é un enclave natural de alto valor ecolóxico, cunha elevada concentración de recursos naturais e paisaxísticos singularmente recoñecidos. Estamos a falar, por exemplo, da Reserva da Biosfera Río Eo, Oscos e Terras de Burón, ou dos espazos encadrados na Rede Natura 2000, como o ZEC Ría de Ribadeo e o ZEC As Catedrais, tamén a propia ría de Ribadeo como Zona de Especial Protección de Aves (ZEPA) e Humidal Protexido ou As Catedrais como Monumento Natural, enclaves que fan do concello de Ribadeo un paraíso para a práctica de todo tipo actividades e deportes ao aire libre”.
Vizoso Galdo subliñou que “e precisamente por iso o Concello de Ribadeo, vén de editar unha nova guía de turismo activo na natureza #RibadeoXVivo, onde recolle toda a información relacionada coas empresas de lecer que operan no territorio do concello. Sendeirismo, ecoturismo, rutas BTT, paseos en barco, surf, kitesurf, canoas, piraguas, vela, mergullo ou parapente, son entre outras moitas, as propostas de lecer e tempo libre que atoparemos nesta nova e atractiva guía que se acaba de publicar, tanto en formato de papel como dixital”.
O concelleiro ribadense sinalou que “Ribadeo conta con instalacións náutico deportivas, asociacións, guías especializados e unha gran variedade de empresas e actividades deportivas y de aventura, que ofrecen interesantes opcións para descubrir e gozar deste entorno e que se presentan a través desta publicación, que recolle a máis de vinte actividades diferentes”.
Pablo Vizoso engadiu que “o que se busca é ofrecer unha ferramenta completa, accesible e moi fácil de comprender para que os turistas que visitan Ribadeo e a nosa veciñanza poidan gozar de todas as ofertas que ofrece a natureza. Con esta nova iniciativa, séguese a avanzar para contribuír de maneira decisiva a facer máis atractivo o noso concello como destino turístico, poñendo en valor e divulgando as grandes oportunidades e ofrecéndolles aos visitantes experiencias inesquecibles. Como é habitual, a guía, será distribuída nas Oficinas de Turismo e poderase descargar na páxina web de Turismo de Ribadeo”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
