Lourenzá, 29 de setembro de 2021. O Concello de Lourenzá asinou hoxe, mércores, un convenio co Bispado de Mondoñedo-Ferrol para rehabilitar o mosteiro de San Salvador cunha subvención concedida polo Goberno central.
A alcaldesa, Rocío López, explicou: “hoxe pola mañá asinamos un convenio de cesión co Bispado dunha parte do mosteiro de San Salvador; concretamente ese acordo inclúe o claustro maior, todas as dependencias situadas en torno a ese claustro principal, o coñecido como Torreón dos Frades tamén e máis o Campo dos Bolos. Con esta cesión o Concello poderá beneficiarse das subvencións dentro do Plan Nacional para o Turismo do Xacobeo, do Goberno central, polo cal ao mosteiro de San Salvador destínanse 2 millóns de euros. Entón as intervencións serán nese claustro principal do edificio e en todas dependencias que ten”.
A rexedora municipal engadiu que “este convenio que se asinou co Bispado ten unha duración de 29 anos e hoxe é para Lourenzá un día especial, histórico e para celebrar xa que sentamos as bases e colocamos esa primeira pedra que nos permitirá conseguir a rehabilitación dese patrimonio histórico que temos no noso concello e destinalo a futuros usos, algo que é moi positivo para o noso municipio e para todos os laurentinos”.
Rocío López tamén anunciou que “onte, previo a esta firma, celebrouse un pleno extraordinario e urxente da corporación municipal, no que se tratou a aprobación do borrador deste convenio e hai que destacar que todos os grupos políticos (PSOE, PP e BNG) votamos a favor. Entón é importante salientar esa confluencia e ese interese e preocupación que temos todos os grupos por marcar esa folla de ruta e ter ese obxectivo común que é a rehabilitación do noso mosteiro”.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
