Ribadeo, 16 de setembro de 2021. Trinta gatas e gatos da rúa foron esterilizados polo Concello de Ribadeo, que contou coa colaboración dun grupo de voluntariado e de dúas clínicas veterinarias da vila. O concelleiro de Medio Ambiente, Jorge Díaz, subliñou que no vindeiro orzamento municipal se habilitará unha partida para seguir con esta labor.
O edil declarou: “desde a Área de Medio Ambiente queremos facer balance da primeira campaña de esterilización de gatos que viven nas rúas do noso pobo. Investimos 2.000 euros do presuposto municipal e esterilizáronse 30 gatos e gatas”.
Para Díaz Freije “non se chegaría a conseguir isto se non fora por un grupo de voluntarios que se creou: traballaron moi ben porque están moi implicados e coordinados para facer esta labor. Tamén é de agradecer a colaboración das clínicas veterinarias Anima Mundi e Occidente”.
O concelleiro de Medio Ambiente contou que “actuouse en moitos puntos do concello, concretamente en sete zonas, e seguiremos traballando nese sentido e abriremos algún punto máis. Incluso temos pensado poñer ao cargo desas zonas a alguén que lles dea de comer aos gatos e gatas nesas localización, e así evitar problemas coa Policía Local e cos veciños”.
Jorge Díaz anunciou que “agora vamos solicitar unha subvención que concede a Xunta para estas campañas de esterilización e esperamos que aporte algo. E no vindeiro orzamento municipal seguiremos con este compromiso e queremos, aparte da partida para esterilización, incluír outra para comida, co fin de que os voluntarios non teña que aportala, aínda que nunca tiveron problema en mercar a comida para estes animais que viven na rúa”.
Denuncia
O edil ribadense contou que “estes días estamos moi afectados porque están a aparecer nunha zona do concello, nos arredores da rúa Deputación, gatos mortos por posible envelenamento. Estamos totalmente en contra deste tipo de comportamentos e farémoslles fronte coas autoridades competentes para intentar dar cos autores destes actos que repudiamos”. O voluntariado que colabora coa campaña de esterilización en Ribadeo xa informou do acontecido no cuartel da Garda Civil.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
