Mondoñedo, 27 de setembro, 2021. O BNG de Mondoñedo non apoiou o convenio de cesión por 29 anos entre a Diocese de Mondoñedo-Ferrol e o concello de Mondoñedo para a cesión de uso de dependencias do Pazo Episcopal, coa finalidade de ampliar o museo catedralicio.
O concelleiro do BNG, Eloi Cabanas lamenta que se trouxera a pleno por vía de urxencia sen comisión informativa previa unha proposta sen definir na que se pedía o visto bo a un convenio que semella ser unha carga para o concello.
“Só nos dixeron que era un proxecto moi ambicioso valorado en 3,5 millóns de Euros, que xa se iría concretando e que estaba enmarcando dentro do Plan Turístico Nacional 2021-2022 do Ministerio de Industria, Comercio e Turismo.
O BNG entende que para valorar o alcance da proposta sería convinte poder manexar máis información para saber que consecuencias lle vai traer ao concello asumir a xestión do museo durante 29 anos.
Segundo o BNG, o Plan Turístico Nacional Xacobeo indica que, unicamente poderán ser financiadas actuacións sobre bens de titularidade pública e por iso o concello se presta como entidade pública e acepta a titularidade das instalacións do Pazo Episcopal para que a obra de 3,5 millóns de euros sexa subvencionada. Ademais de todo isto a concello será o obrigado de facer as obras de ampliación do museo, asumirá os gastos derivados da conservación das instalacións e das pezas alí depositadas, dos gastos en persoal que atenda o museo así como electricidade ou IBI no caso se ser esixible.
“O convenio aprobado o pasado venres libera a Diocese de todo o que ten que ver coa ampliación e a xestión do museo catedralicio durante 29 anos e cárgalle todo ao concello de Mondoñedo”.
O BNG tamén se pregunta que foi da inversión realizada no ano 2008 polo goberno bipartito para ampliar o Museo Catedralicio e Diocesano
Eloi Cabanas apunta que a Consellería de Innovación e Industria encabezada polo nacionalista Fernando Blanco no ano 2008 investiu 655.000 euros na ampliación e mellora do Museo Catedralicio para dotalo dun proxecto completo e coherente, xunguilo coa tradición das peregrinacións xacobeas polo Camiño Norte e facelo máis accesible dándolle un novo acceso desde a Fonte Vella. “A inversión realizouse pero a mellora da oferta do Museo Diocesano non chegou a ver a luz”.
Á falta dun estudo pormenorizado das consecuencias que lle vai traer este convenio de cesión ao concello, da indefinición e descoñecemento do proxecto e da urxencia inxustificada coa que se instou a tomar unha decisión, o BNG abstívose na votación de aprobación do convenio de cesión.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
