Madrid, 22 de setembro de 2021. O deputado do BNG no Congreso, Néstor Rego, avanza iniciativas na cámara baixa para que o Goberno do Estado actúe ante o fechamento da empresa Vestas, en Viveiro, e o despedimento de 115 traballadores e traballadoras. A formación nacionalista reclama a derrogación das Reformas Laborais que evitaría que a empresa puidese tomar a decisión de cesar a actividade sen control previo da autoridade laboral.
A empresa Vestas, situada na localidade de Viveiro, anunciou a súa intención de cesar a produción e fechar a fábrica de Chavín a finais de ano. Isto deixaría na rúa 115 traballadores e traballadoras nunha comarca onde o “proceso de desmantelamento industrial avanza a pasos de xigante” con EREs, fechamentos e a redor de mil postos de traballo directos perdidos en empresas referentes como Ecar, Mobles Hermida, Sargadelos, Gres Burela ou Construcións Mon.
“Curiosamente, en canto a Galiza está a enfrontar unha verdadeira ofensiva de parquers eólicos, esta empresa de aeroxeradores, que recibiu subvencións por parte da Xunta de Galiza, anuncia o fechamento, como xa fixera a fábrica de compoñentes eólicos Siemens-Gamesa nas Somozas. Non nos beneficiamos unha Tarifa Eléctrica Galega que nos abarate o prezo da luz e, polo visto, tampouco de postos de traballo asociados ao sector” explica Rego, que critica o proceso de desindustrialización que a comarca da Mariña está a vivir, ao que hai que sumar o futuro incerto da fábrica de Alcoa.
Co obxectivo de manter a actividade e salvar os postos de traballo, a organización frentista leva ao Congreso a situación de Vestas e reclama ao Goberno do Estado que interveña para evitar o fechamento da fábrica, conxuntamente como Goberno Galego. “A Xunta ten as competencias en política industrial e Feixoo non pode continuar eludindo a súa responsabilidade diante dunha situación como a da Mariña. Pola súa parte, PSOE e Podemos deben derrogar xa a Reforma Laboral lesiva do PP que, entre outras cousas, permite o cesamento da actividade de Vestas e o despedimento colectivo sen sequera autorización previa da autoridade laboral” enfatiza o deputado.
Rego lembra que, para alén de incorporalo ao Acordo de Investidura, o BNG presentou propostas para derrogar as Reformas de PP e PSOE con urxencia que recuperar -en canto non houbese un novo Estatuto do Traballo- a normativa anterior o ano 2010. “Isto suporía a recuperación de dereitos laborais e eliminar os efectos negativos da actual norma como que unha empresa poida tomar esa decisión de despedimento colectivo unilateralmente sen control da autoridade laboral” subliña.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
