Viveiro, 18 de setembro de 2021. O Concello de Viveiro súmase aos actos con motivo do Día do Alzheimer, que se conmemora o vindeiro martes 21 de setembro. Para reivindicar esta data, a porta de Carlos V iluminarase de cor morada na noite do martes ao mércores.
“A visibilización deste tipo de doenzas é esencial para avanzar na súa investigación e no acompañamento ós doentes e familias. Por iso, dende o Concello de Viveiro sumámonos de novo á reivindicación desta enfermidade, que afecta a milleiros de persoas no noso país”, subliña María Loureiro, alcaldesa de Viveiro.
Con motivo desta data, A Cruz Roja organizará a “Andaina Alzheimer” o próximo martes 21 de setembro. A hora prevista de inicio da actividade serán as 10:30, comezando o percorrido ás 11:00 e finalizando ás 13:00. O punto de encontro será nos Castelos, para percorrer a Praia de Covas continuando por todo o paseo marítimo ata a ponte da Misericordia-Travesía da Mariña (facendo uso das beirarrúas)- Avda. Ramón Canosa- Praza do Náufrago (Celeiro). Poden sumarse entre 60 e 80 persoas a esta actividade.
A “Asociación de Familiares de personas afectadas de Alzheimer e otras demencias de Viveiro” (AFA Viveiro) ten previstas outras dúas actividades. O martes 21 de setembro habilitarán unha mesa informativa na Praza da Fontenova, en horario de mañá e de tarde.
Ademais, con motivo desta data e xunto á Federación Alzheimer Galicia, organizarán unha exposición na sala multiusos da casa do concello, dende o mércores 29 de setembro ata o martes 4 de outubro, ambos inclusive. Trátase dunha exposición itinerante que se está a mostrar por distintas localidades de Galicia.
Por último, Cruz Roja organizará o día 20 nos Xardíns de Noriega Varela unha actividade de acompañamento dixital dirixido a persoas maiores. Malia que non está vinculada directamente á conmemoración do Día do Alzheimer, o obxectivo desta iniciativa é reducir a fenda dixital entre a poboación galega.
Consistirá nuns talleres de capacitación dixital para persoas maiores co estacionamento dun microbús de 9 prazas e mesas para talleres dirixidas a un grupo de 12 persoas maiores. Os talleres terá lugar dende as 10:00 ás 15:00 horas. Toda a poboación maior de Viveiro pode achegarse durante este luns á actividade, que se enmarca no proxecto “Enredando” de Cruz Roja.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
