Viveiro, 23 de setembro de 2021. O goberno local anuncia que o sábado haberá unha recepción ao atleta olímpico Adrián Ben, que recibirá a consideración de fillo predilecto de Viveiro. O portavoz municipal do PP, Óscar Rodríguez, considera que a alcaldesa, María Loureiro, ten unha oportunidade de ouro para anunciar, durante a recepción, a construción das largamente esperadas pistas de atletismo de Lavandeiras. Noutro caso, quererá dicir que o goberno municipal renuncia a levar adiante dito proxecto, de ampla demanda social, e que, unha vez máis, opta polo anquilosamente e por deixar ao Concello sen infraestruturas e servizos necesarios para Viveiro. Os populares presentaron en febreiro do ano pasado unha moción para a construción das pistas e para que leven o nome de Adrián Ben.
Óscar Rodríguez sinala: “Hai ano e medio, o grupo popular presentou ao pleno unha moción para a creación das pistas de atletismo do campo de Celeiro. Pasou o tempo e nada se fixo. O asunto vén de vello, de moi atrás, porque xa o 30 de xaneiro de 2009 o alcalde socialista naquel momento propón a creación de oito pistas de atletismo, dúas de tenis, unha polideportiva e outra de aeromodelismo, todo elo ubicado en Lavandeiras. Nese mesmo ano, La Voz de Galicia, o 29 de maio, publica que o presidente da Deputación fixa en dous millóns de euros a inversión prevista por este organismo en Lavandeiras e inclúe un campo de fútbol, oito pistas de atletismo, vestiarios e gradas”.
Rodríguez engade: “En 2013, máis compromisos; dise que os 110.000 euros do fondo ambiental serán para as pistas de atletismo de Celeiro; dicíase que o proxecto xa estaba redactado. Pero nada se fixo. Pasou o tempo, e nada de nada. Outros concellos están facendo os seus deberes e nós, aquí, de seguir así, anquilosados, como sempre”.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
