“Los viajes de Belinda” chegan a Viveiro

Viveiro, 23 de setembro de 2021. O Concello de Viveiro forma parte da iniciativa de Belinda Washington, que baixo o nome de “Los viajes de Belinda”, ten como obxectivo a promoción da Mariña, traendo a persoas populares para coñecer e descubrir a comarca.

Dentro deste proxecto, Viveiro acollerá a un destes grupos, nos que está confirmada a asistencia, ademais da propia Belinda Washington, de Mariló Montero, Miriam Díaz Aroca, Itziar Castro, María Isabel Díaz (Vis a Vis) e Carol Rovira (Luimelia).

O grupo chegará hoxe e ata o vindeiro domingo pernoctarán en Viveiro, onde desfrutarán dunha serie de actividades organizadas pola Concellaría de Turismo. No programa inclúense diferentes rutas e visitas, así como varias comidas e ceas en diferentes establecementos hostaleiros do municipio ou a representación do conxuro da queimada.

Tamén se organizou un acto para recbiri ao grupo hoxe, ás 20:00 horas, diante do Hotel Urban, cunha alfombra vermella e un grupo de danzas e gaitas, animando a todos os veciños e veciñas que o desexen a participar neste recibimento.

O goberno municipal considera que esta iniciativa de Belinda Washington, na que participa o Concello de Viveiro, contribuirá á promoción turística do municipio. Deste modo, daranse a coñecer as múltiples posibilidades que a vila ofrece aos visitantes e mostrando os seus recursos como un destino turístico de calidade.