Dende o PSdeG-PSOE de Mondoñedo, reclamaron na última sesión plenaria celebrada a finais de marzo a través de varios rogos, unha serie de peticións centradas na conservación do patrimonio local, o mantemento dos espazos públicos e a eficiencia na xestión dos servizos básicos do Concello
oplus_0
Mondoñedo, 20 de abril, 2026. Os Socialistas de Mondoñedo emprazaron ao goberno municipal a adquirir unha varredora mecánica para reforzar o servizo de limpeza viaria. O grupo socialista sinala que, aínda que se trata dunha inversión importante, “é imprescindible para mellorar a imaxe das rúas”. Engaden que esta maquinaria permitiría optimizar tempos de limpeza e liberar persoal para outras tarefas de mantemento en espazos públicos.
O PSOE lembra que o goberno local adquiriu recentemente unha rasenteadora, da que “a día de hoxe descoñecemos onde está ubicada nin se chegou a utilizar”. Para os socialistas, a limpeza da cidade “é unha prioridade que debe responder ás demandas da veciñanza”.
Reposición de bancos na Alameda dos Remedios
O Grupo Socialista tamén instou ao executivo local a repoñer os bancos retirados da Alameda dos Remedios, un espazo emblemático de convivencia. Consideran que non se pode privar a veciños e visitantes dun elemento básico para o desfrute deste entorno. No pleno, o goberno informou de que os bancos “están a ser arranxados”.
Proposta dun grupo de traballo pola Estación de Autobuses
O PSOE solicitou a creación dun grupo de traballo específico para abordar a situación da Estación de Autobuses, que presenta problemas de uso e mantemento. A proposta inclúe reunir a organismos públicos, colectivos e veciñanza para buscar solucións conxuntas. O goberno local indicou que dispón dun orzamento enriba da mesa para mellorar esta infraestrutura.
Convenio cos artesáns dos Muíños e outras cuestións
No apartado de interpelacións, o PSdeG preguntou pola renovación do convenio cos artesáns dos Muíños. O goberno respondeu que está a traballar nunha nova ordenanza municipal.
Tamén se interesaron polo estado da Ponte de Arco en Masma, actualmente cortada ao tráfico. O executivo explicou que están pendentes de informes sobre a situación dos seus piares.
Respecto á Casa da Cultura, pechada desde hai anos, o PP indicou que non hai unha data exacta para finalizar as obras, pero que a previsión é facelo “antes do verán”.
Parque eólico “Baro” e actuacións do Plan Rexurbe
O PSOE preguntou pola posible instalación do parque eólico Baro, un proxecto que xera preocupación social. O goberno local afirmou que o proxecto está en tramitación previa e que o Concello “non deu conformidade”.
Tamén solicitaron información sobre as obras nun edificio fronte á Praza de Abastos, dentro do Plan Rexurbe, onde desapareceu a fachada orixinal de madeira e adobe. O executivo explicou que non tiña consistencia e non se podía conservar.
Por último, os socialistas preguntaron polas actuacións previstas nas pistas de Argomoso e na estrada Maariz–Supena, que o goberno confirmou que están incluídas no Plan Único da Deputación.
Crítica á xestión municipal
O PSOE advirte de que a falta de dilixencia do goberno local en cuestións como o mantemento de espazos verdes ou a mellora das infraestruturas “prexudica a estética urbana e hipoteca o futuro de Mondoñedo”, ao manter instalacións pechadas ou en condicións precarias.
oplus_0
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
