Viveiro, 21 de abril, 2026. Resurrection Fest Estrella Galicia e DUX presentan unha colaboración pioneira que une dous universos aparentemente afastados —a música en directo e os e‑sports— baixo unha mesma visión: comunidade, traballo en equipo e paixón compartida.
Desde 2006, o Resurrection Fest Estrella Galicia consolidouse como un dos festivais de música extrema máis importantes de Europa, reunindo cada ano a milleiros de asistentes en Viveiro (Galicia). O festival destaca non só polos seus escenarios, senón tamén pola súa identidade propia, construída arredor da cultura alternativa, a conexión entre persoas e a experiencia colectiva.
Pola súa parte, DUX naceu en 2018 e desde entón competiu con éxito en torneos nacionais e internacionais de FIFA e NBA 2K, logrando títulos a nivel estatal e europeo. O club é un referente internacional nos e‑sports e foi pioneiro ao dar o salto ao fútbol profesional como copropietario do DUX Logroño, na Primeira División Feminina, converténdose no primeiro club de e‑sports en facelo. Ademais, destaca polo seu enorme impacto dixital, situándose entre os clubs españois con máis visualizacións en YouTube e TikTok. En 2021, anunciou a súa entrada histórica na NBA 2K League coa franquía DUX INFINITOS.
Música e gaming: dous mundos que comparten comunidade
Esta colaboración nace precisamente dese punto en común: crear espazos onde distintas disciplinas convivan e se potencien. Música e gaming comparten emoción, identidade, pertenza e unha forma de entender o entretemento como algo colectivo.
Unha camiseta exclusiva como símbolo da unión
O resultado materialízase nunha camiseta de fútbol exclusiva, deseñada para a ocasión e producida xunto a Puma. A peza representa o encontro entre ambos mundos e reivindica o concepto de equipo máis alá do deportivo.
A camiseta estará dispoñible a partir do 21 de abril de 2026 a través de Resurrection Wear.
A colaboración cobra aínda máis sentido polo contexto no que xorde: o Resurrection Fest Estrella Galicia celébrase sobre un dos campos de fútbol máis emblemáticos de Viveiro, un espazo que durante uns días deixa de ser terreo de xogo para converterse en punto de encontro para milleiros de persoas. Onde antes se xogaba ao fútbol, agora vívese a música… e, con esta iniciativa, tamén o xogo en todas as súas formas.
Un paso cara a un futuro máis colaborativo
Con esta proposta, Resurrection Fest Estrella Galicia e DUX reforzan a súa aposta por un futuro máis colaborativo, inclusivo e aberto, no que as fronteiras entre disciplinas se difuminan e a comunidade continúa sendo o eixo central.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
