Lugo, 23 de setembro de 2021. Ao goberno provincial non lle gusta que o grupo maioritario na Deputación, o PP, faga o seu traballo de oposición. É algo que deixou claro en moitas ocasións, especialmente nos asuntos nos que é consciente de que o está a facer moi mal, como pode ser todo o relacionado coa rede de estradas. Hoxe acaba de dar outra mostra do seu desexo de frear o traballo do PP ao impedir o acceso ás dependencias estreadas no antigo fogar de Santa María do portavoz popular, Javier Castiñeira, o deputado Óscar Poy e un traballador da Deputación. Castiñeira anuncia que o PP estudará a adopción de medidas legais e confía en que “todo isto non volva suceder”.
O portavoz popular, Javier Castiñeira, sinala: “Por unha vez, e sen que serva de precedente, o PP de Lugo está de acordo coas declaracións do presidente do Goberno na ONU en canto a que hai déficit de democracia. Dicimos isto por un feito grave que nos pasou no día de hoxe na Deputación de Lugo. O goberno bipartito (PSOE-BNG) prohibiunos a entrada a dependencias provinciais sen pedir cita previa, algo que consideramos que non é lóxico, posto que a actividade propia dos deputados e dos traballadores da Deputación é nas dependencias provinciais”. Engade: “Sería moi pouco lóxico ter que pedir permiso cada vez que entramos a traballar. Pois isto é o que nos ocorreu no día de hoxe cando pretendiamos visitar o edificio administrativo de Santa María, que no día de onte foi visitado institucionalmente polo propio presidente, estreando esta edificación logo de varios anos de obras”.
Castiñeira declara: “Hai que dicir que, a dita visita institucional, o PP non foi invitado. Por iso, no día de hoxe, eu, como voceiro do PP, que é o grupo maioritario, o deputado Óscar Poy e un traballador da Deputación decidimos facer esa visita e ver como quedou o edificio despois de tantos anos de obras. Pretendiamos saudar aos traballadores que estreaban esas dependencias, que melloran moito as súas condicións de traballo, como pedimos moitas veces”.
Os populares sinalan: “A sorpresa nosa foi que non nos deixaron entrar sen o permiso de Presidencia, o que consideramos un absoluto abuso en relación cos dereitos dos deputados e os traballadores da Deputación, que se viron seriamente coartados”.
Castiñeira anuncia: “Diante desta decisión do goberno provincial, o que lle queda ao PP é pensar en tomar as medidas legais correspondentes para evitar o que entendemos como un novo atropelo á oposición, ao traballo de oposición que está a facer o PP. Esperamos a desculpa do equipo de goberno, coa esperanza de que todo isto non volva suceder”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
