Lugo, 8 de outubro de 2021. A Deputación de Lugo concorrerá a unha liña de axudas que convocou o Goberno do Estado solicitando 300.000€, procedentes dos fondos europeos de recuperación Next Generation, para liderar un Plan de Acción que recolla as medidas necesarias para implantar os obxectivos da Axenda Urbana na provincia de Lugo. Así o aprobou este venres a Xunta de Goberno provincial, segundo explicou en rolda de prensa a voceira socialista do Goberno, Pilar García Porto.
“É unha medida moi importante para seguir avanzando nun obxectivo prioritario para este Goberno provincial, como é promover o desenvolvemento sostible e equilibrado da provincia, tanto social como económico, crear emprego e fixar poboación”, sostivo a Deputada. A Axenda Urbana Española “é un instrumento de traballo aprobado polo Goberno do Estado para impulsar a sustentabilidade económica, social e medioambiental dos pobos e cidades, a través da ordenación do territorio, a loita contra o cambio climático, a economía circular, a mobilidade sostible, a cohesión social ou a innovación dixital”, lembrou García Porto.
Para a Deputación de Lugo concorrer a esta convocatoria significa poder liderar a implantación na provincia das directrices da Axenda Urbana a través “dunha estratexia que desenvolveremos en cooperación cos concellos e que inclúe, primeiro, un diagnóstico da situación actual, e logo, o deseño das actuacións concretas a levar a cabo”.
A Deputada explicou que “as administracións locais somos unha peza fundamental para que os fondos europeos, como os Next Generation, cheguen realmente á sociedade, para que respondan ás necesidades reais da cidadanía e do tecido produto, e para que teñan unha verdadeira capacidade transformadora, como é o seu obxectivo”. “Somos a Administración máis próxima aos veciños e veciñas, polo que somos os que mellor coñecen a súa realidade e as súas necesidades e, polo tanto, podemos utilizar con gran eficacia eses fondos europeos”, engadiu.
Pilar García Porto sinalou que, no caso da provincia de Lugo, o papel da Deputación na captación e na xestión dos recursos que chegarán de Europa “é aínda máis necesaria, tendo en conta que a maior parte dos municipios teñen menos de 5.000 habitantes, polo que carecen de recursos técnicos, económicos e humanos suficientes para afrontar este reto”.
Contratos
A sesión do Goberno deste venres tamén aprobou a licitación dun contrato para a compra de dúas máquinas compactadoras usadas para o Parque Móbil da Deputación por un importen de 89.540€. Así mesmo, inclúese no contrato a retirada doutras dúas máquinas usadas, polas que a empresa adxudicataria deberá ofertar un prezo mínimo de 1.200€. Esta maquinaria servirá para dar un mellor servizo nas obras en estradas, xa que serven para acelerar o proceso de compactación da terra grazas aos diferentes rodillos que inclúen.
A Xunta de Goberno aprobou así mesmo a licitación do contrato para o subministro de gasóleo tipo B para as máquinas da Granxa Gayoso Castro por un importe de 18.145€, cunha duración dun ano, coa posibilidade de prorrogalo ata un máximo de tres máis. “Este é un paso máis que damos dende a Deputación para conseguir que todos os servizos que se prestan na Granxa Gayoso Castro estean baixo contratos, unha situación que practicamente se dá xa hoxe coa totalidade das prestacións, co que melloramos en transparencia e eficiencia dos recursos públicos”, explicou a voceira socialista do Goberno.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
