Viveiro, 8 de outubro de 2021. O Concello de Viveiro reuniuse esta semana coa Asociación del Camino del Mar, co obxectivo de seguir traballando na visibilización desta ruta. Na xuntanza, estiveron presentes a alcaldesa de Viveiro, María Loureiro García; a concelleira de Turismo, María Soledad Rey Yáñez e o presidente da Asociación Amigos del Camino del Mar en Peregrinación a Santiago, Manuel Vicente González.
A finalidade desta reunión era seguir traballando e colaborando, como veñen facendo durante anos, pola promoción e divulgación do Camiño do Mar e polo seu recoñecemento como ruta xacobea por parte da Xunta de Galicia.
Nesta xuntanza, acordouse que a Asociación del Camino del Mar porá a disposición do Concello de Viveiro credenciais para que todos aqueles peregrinos/as que o desexen poidan compralas nas dependencias da oficina de Turismo de Viveiro.
Deste modo, dende mañá sábado 9 de outubro, a oficina de Turismo de Viveiro disporá das credenciais para que os peregrinos poidan adquirilas e iniciar o Camiño do Mar a Santiago de Compostela.
Nas próximas semanas, o Concello de Viveiro ten previsto manter unha reunión coas asociacións Centro Comercial Histórico de Viveiro, Beiras de Viveiro e a propia Asociación del Camino del Mar, para trasladarlles información sobre como selar as credenciais aos peregrinos/as que pasan polo municipio.
Ademais, o goberno local recorda que, como xa adiantou en meses anteriores, está a traballar nun selo representativo do Camiño do Mar ao seu paso por Viveiro.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
