Burela, 15 de outubro, 2021. A Fundación Expomar convertiu a presentación oficial do libro “Os Bolechas e o Mar” nunha auténtica “Festa do Mar”, que tivo lugar este venres pola mañá nos colexios Vista Alegre e Virxe do Carme de Burela, onde os grandes protagonistas foron os nenos e, por suposto, as personaxes da coñecida serie infantil. “Os Bolechas” visitaron os colexios de Burela e, ademáis de ilusión, compartiron xogos e actividades cos alumnos de primeiro e segundo de primaria.
Este proxecto da Fundación Expomar encádrase dentro do seu obxectivo principal de apoio e desenvolvemento do sector pesqueiro, una acción encamiñada á recuperación e visibilización do patrimonio e cultura mariñeira, e que está financiada polo Galp A Mariña-Ortegal.
O acto tivo lugar nas instalacións do CEIP Vista Alegre de Burela ás 10 da mañá, coa presenza do alcalde de Burela e presidente da Fundación Expomar, Alfredo Llano; a Directora Xeral de Pesca e Acuicultura da Xunta de Galicia, Mercedes Rodríguez Moreda; o presidente do Galp A Mariña-Ortegal, Javier Martínez Otero; o director do CEIP Vista Alegre, José Manuel Díaz; a directora do CEIP Virxe do Carme, Pepa Fernández; e Javier Martínez, representante de Bolanda Edicións, a editorial que publica o libro. O xerente da Fundación Expomar, Xosé M. González ‘Brais’, guiou a presentación, dando paso aos diferentes intervintes.
Alfredo Llano, alcalde de Burela e presidente da Fundación Expomar, deu a benvida aos Bolechas e agradeceu aos nenos o seu interese polo mundo do mar, explicando a importancia das actividades que promove Expomar para esta difusión. Javier Martínez Otero, presidente do Galp A Mariña-Ortegal, explicou de maneira sinxela aos nenos as función que ten esta entidade. Os directores dos centros agradeceron aos alumnos a súa atención e o representante de Bolanda Edicións comprobou que os nenos de Burela son grandes seareiros das personaxes do libro.
Finalmente a Directora Xeral de Pesca e Acuicultura da Xunta de Galicia, Mercedes Rodríguez Moreda, pechou o acto felicitando á Fundación Expomar por esta iniciativa e animando aos alumnos a que se acheguen e coñezan ben o mundo e cultura mariñeira.
A continuación fíxose a entrega dos libros aos alumnos de primeiro e segundo de Primaria dos colexios Vista Alegre e Virxe do Carme, onde tamén celebraron obradoiros de elaboración de chapas e xogo do Trivial con motivos mariñeiros.
“Os Bolechas” é unha serie infantil de libros en galego que narran as aventuras dunha familia de ficción creada por Pepe Carreiro no ano 2000, con xa preto de 600 títulos publicados e casi dous millóns de exemplares distribuídos.
Nesta aventura os protagonistas viven unha xornada no porto de Burela, onde coñecen as principais actividades do porto e da lonxa, as artes de pesca e oficios do mar, así como as principais entidades pesqueiras da vila.
O lote de libros tamén inclúe un caderno de actividades onde os nenos xogan cos nomes das especies e tipos de peixes e poñen en práctica as ensinanzas do libro “Os Bolechas e o Mar”.
Con esta iniciativa a Fundación Expomar pretende enseñar aos nenos e nenas de Burela a riqueza do mundo do mar, poñendo en valor o potencial económico do sector pesqueiro.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
