Ribadeo, 31 de outubro de 2021. A Consellería de Cultura, Educación e Universidade deu comezo ás obras de restauración do santuario de Nosa Señora das Virtudes de Arante, en Ribadeo, ás que destina preto de 185.000 euros e que están encamiñadas a evitar as humidades que deterioran os paramentos interiores, afectando ás pinturas murais.
O delegado territorial da Xunta en Lugo, Javier Arias, visitou a igrexa e explicou que a intervención incluirá a retirada da escada exterior de acceso ao campanario, xa que constitúe unha das principais vías de entrada de auga e non se trata dun elemento orixinal, senón produto dunha obra dos anos 90.
O proxecto contempla tamén a substitución da cuberta de lousa, canlóns e baixantes; renovación dos acabados dos paramentos exteriores con morteiro de cal e posterior pintado; desmontado do falso teito para a colocación dun novo en madeira de castiñeiro, e a instalación de novas carpinterías e dun sistema de luces de tecnoloxía Led que mellore a iluminación ornamental das pinturas, entre outros traballos. O prazo máximo de execución será de seis meses
O santuario de Arante, dos séculos XVI e XVII, ten a consideración de Ben Catalogado Inventariado, co grao de protección II. Ademais, esta igrexa de estilo renacentista contén elementos únicos en Galicia, como son as pinturas murais de temática mariñeira, que datan do século XVI.
A Xunta acometeu hai uns meses unha actuación de urxencia para restaurar algunhas pinturas que se vían afectadas pola humidade, e executa agora esta intervención máis ampla para atallar a causa das patoloxías que afectan á súa estabilidade, fundamentalmente debidas á entrada de auga a través dos paramentos e da cuberta.
A igrexa ten relevancia cultural e histórica, como se lembra Romaxe das Cruces, declarada Festa de Interese Turístico de Galicia, e que cada ano convoca aos veciños e veciñas de sete parroquias de Ribadeo e Trabada para conmemorar a vitoria sobre as tropas napoleónicas.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
