Ribadeo, 9 de outubro de 2021. Concertos, teatro, monicreques e exposicións conforman a axenda cultural do último trimestre do ano en Ribadeo, que presentou a concelleira Pilar Otero.
A edil de Cultura lembrou que “comezabamos o mes de outubro coa 18 edición da Mostra de Teatro Afeccionado Daniel Cortezón. É esta unha vertente do traballo teatral moi importante non só desde o punto de vista artístico, tamén pola dinámica social que se crea arredor destas formacións teatrais. A través do ciclo Argalladas da Área de Cultura da Deputación de Lugo actuará tamén neste trimestre Teatro Curuxán, de Lugo”.
Pilar Otero contou que “canto ao teatro profesional este ano Ribadeo recunca no programa Platea. A través del teremos ocasión xa de ver este sábado ás 20.00 horas no auditorio municipal Intocables, de Adosado Teatroa e Pentación. Ademais a prestixiosa Illana Producciones representa Maestrissimo o 31 de outubro e Txalo Produkzioak traerá Juntos o 27 de novembro. Os lucenses Itaca Teatro farán dúas funcións de Formigas no peto e logo de moito tempo estará en Ribadeo a compañía do nome por excelencia na historia dos títeres galegos, Marcelino de Santiago (Kukas) que trae para grandes e pequenos Don Gaiferos o 24 de outubro”.
A concelleira ribadense seguiu a relatar: “continuando no eido dos monicreques na Mariña temos unha moi boa compañía neste ámbito. Son Mircromina Títeres que traerán ao auditorio o 17 deste mes de outubro Cousas de casa. Tamén para nenas e nenos Galitoon representa a súa exitosa The show Moscón o 7 de novembro. O noso ciclo O Concello cos coles convida os centros de ensino a ver por unha banda a importante exposición de restos arqueolóxicos do fondo da ría de Ribadeo O porto de Ribadeo. Testemuñas do pasado e pola outra Os vikingos de Playmóbil desembarcan en Ribadeo. En colaboración con Aeslic e tamén coa área de Cultura do Concello de Lugo que emprestaron as vitrinas estamos seguras de que esta iniciativa que estará na oficina de Turismo de Ribadeo a partir do 25 de outubro suscitará moita ilusión en público de todas as idades”.
E engadiu: “tamén a través de O Concello cos coles, aínda que nesta ocasión dirixida máis ben a secundaria e bacharelato poderemos gozar da posta en escena de Poeta en Nova York, da compañía Paloma Lugilde Producións. Esta actividade está promovida e organizada pola Dirección Xeral de Política Lingüística da Xunta de Galicia”.
Pilar Otero dixo que “a nosa proposta expositiva retoma os retratos femininos en acuarela da artista murciana Esther Páez. Poderá visitarse a partir do vindeiro luns, 11 de outubro, en horario de apertura da oficina de Cultura na Casa do Viejo Pancho. Este edificio volve ser espazo expositivo e de presentacións. A Agrupación Cultural Francisco Lanza organiza neste mes de outubro a do primeiro dicionario do galego de Asturias e a de dúas obras de Xulio Pardo de Neyra. As asociacións culturais do Concello desenvolven un importante labor, tamén colaborando na nosa programación”.
A concelleira de Cultura indicou que “no ciclo de actividades nas parroquias temos neste trimestre a actuación de Illa Pancha en Remourelle, Os Misturos en Arante e as pandereteiras de Amigos da Gaita en Cedofeita e nas Anzas. A Coral Polifónica de Ribadeo vai tamén a San Pedro de Arante co gallo do seu concerto de Santa Cilla e tamén organizará xa no Nadal o Festival de Panxoliñas. A nosa Banda Municipal de Música tamén celebrará Santa Cilla e a maiores o concerto de Aquí como en Viena”.
A edil comentou que “seguindo co importante papel das asociación culturais, un dos pratos fortes deste trimestre é a master class e o concerto posterior que o pianista de jazz Abe Rábade ofrecerá en Ribadeo a través da asociación Bruar. Será o 30 de outubro. A programación de música complétase coa actuación de homenaxe a Astor Piazzola con Malajunta Tango Dúo e con De Botóns. Chegamos tamén á sétima edición do Festival de Jazz & Blues de Ribadeo, cunha programación que será obxecto dunha presentación propia. E rematamos cun convite para o vindeiro sábado, 16 de outubro, ás 20.30 horas no auditorio municipal. A cantante de fados María do Ceo actúa en Ribadeo no que se prevé que sexa unha cita moi concorrida en canto a público, co-organizada xunto co Ribadeo Fútbol Club. E rematamos co desexo de que lles gustes as nosas propostas para este derradeiro tramo do ano”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
