Ribadeo, 25 de outubro de 2021. O Concello de Ribadeo organiza unha charla que pronunciará o arqueólogo submarino Miguel San Claudio para presentar o resultado das inmersións realizadas dentro do proxecto Retornos do pasado. Terá lugar este xoves, día 28, no Cine Teatro.
O concelleiro de Turismo e Comercio, Pablo Vizoso, salientou que “a ría de Ribadeo conta cunha riqueza arqueolóxica recoñecida, o que lle aporta un gran valor engadido á nosa contorna natural, e aínda que é un dos recursos máis importantes da nosa zona tamén pode ser un dos máis descoñecidos. Por ese motivo, ao longo dos últimos tempos, fixéronse tarefas de investigación entre as que se encadra o proxecto financiado polo GAL Retornos do pasado, que pretende a recuperación de pezas de interese patrimonial para o seu posterior estudo”.
O edil ribadense dixo que “Retornos do pasado ten como obxectivo principal a análise e a difusión da cultura marítima de Ribadeo, facendo un estudo que permita analizar a documentación das relacións comerciais de Ribadeo xa na época da protohistoria de Galicia. O obxectivo do estudo é a documentación e a clasificación dos restos dos materiais achados na ría de Ribadeo, concretamente na zona fronte ao porto deportivo de Porcillán ata o antigo cargadoiro de mineral onde se situaba a Torre Vella Medieval”.
Pablo Vizoso engadiu que “ao longo de dous anos, 2021-2022, están previstas arredor de oitenta inmersións das que se irán extraendo os materiais que nos permitan coñecer moito mellor o noso medio submarino. Precisamente neste marco, este xoves, día 28, ás oito da tarde no Cine Teatro, Miguel San Claudio, arqueólogo submarino encargado de levar a cabo este o proxecto e quen tamén, de xeito casual, xa descubrira no ano 2011 o galeón afundido no canal, dará unha conferencia para dar a coñecer os resultados das inmersións realizadas ate o de agora. Por suposto será unha oportunidade para coñecer de primeira man o que hai na nosa ría e os segredos que agocha, sobre todo da man dun experto en arqueoloxía submarina. E dentro deste mesmo proxecto o sábado, día 30, levarase a cabo na sección de mergullo do Club Náutico de Ribadeo, un curso composto dunha clase teórica sobre documentación e conservación de materiais arqueolóxicos de interese patrimonial, e outra parte máis práctica na auga onde se aplicarán os contidos expostos”.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
