Lugo, 28 de outubro de 2021. O Presidente da Deputación de Lugo, José Tomé Roca, participou este xoves na misa de celebración pola renovación e mellora da LU-P-2204 que conecta a parroquia de Momán, en Xermade, coas Pontes de García Rodríguez, unhas obras acometidas pola institución provincial. Tomé Roca quixo que o párroco que reivindicaba o arranxo desta estrada con cerimonias relixiosas a súa chegada á presidencia da institución provincial, en agosto do 2019, oficiase agora outro rito para celebrar a mellora da vía, na que a Deputación investiu xa cerca de 1M€.
“Cando cheguei á presidencia da Deputación, hai máis de dous anos, comprometinme co Alcalde de Xermade para darlle unha solución a esta vía. O párroco celebraba unhas misas sobre a propia estrada para pedir as obras e hoxe estamos aquí para celebrar que cumprimos co que nos comprometemos e os veciños e veciñas teñen unha estrada renovada”, asegurou Tomé, que explicou que, tras os proxectos executados, só quedar un último tramo de pouco máis dun quilómetro para completar o acondicionamento integral da vía.
No acto, que se celebrou na Camposa de Mazandoi, o mandatario provincial estivo acompañado polo Alcalde de Xermade e tamén Deputado de Participación Cidadá, Roberto García Pernas; os deputados de Réxime Interior, Promoción do Territorio e Turismo, Pilar García Porto; de Promoción Económica e Social, Pablo Rivera Capón; e de de Medio Ambiente, José Luis Raposo, e por veciños e veciñas da zona.
As melloras da LU-P-2204 son unha das actuacións máis relevantes que a Deputación de Lugo vén de acometer recentemente na comarca. Este ano investíronse máis de 700.000 euros para a mellora de máis de 4 quilómetros, que se suman a outros traballos que a institución realizou na vía en anualidades anteriores. As obras contratadas pola Deputación neste 2021 consistiron na mellora do pavimento con aglomerado en quente, incremento da seguridade cunha nova sinalización horizontal mediante marcas reflexivas brancas e reinstalación da sinalización vertical e os sistemas de contención afectados polo ensanche da vía. En total, a institución provincial destinou máis de 1M€ para rehabilitar os 7 quilómetros iniciais da vía, co que só quedaría un tramo de pouco máis de un quilómetro, os puntos quilométricos 8,3 e 9,8 para a renovación integral de toda a calzada.
O Presidente recalcou a importancia desta estrada, “pois vertebra o concello de Xermade e toda esta parte da provincia, dando servizo aos veciños e veciñas de Momán e comunicando coas Pontes. Ademais, este é o camiño máis curto para os desprazamentos dos veciños e veciñas a Santiago de Compostela e aos aeroportos”.
5M€ na Terra Chá
A Deputación de Lugo inviste neste 2021 nas estradas da comarca da Terra Cha 5M€ a través de varias liñas de actuación. Dos 4.200 quilómetros da rede de estradas provinciais, a máis longa de toda España e tres veces maior que a da Xunta de Galicia na provincia, máis de 650 quilómetros percorren esta comarca, repartidos en 139 vías. Percorren os municipios de Abadín, Begonte, Castro de Rei, Cospeito, Guitiriz, Meira, Muras, A Pastoriza, Pol, Vilalba e Xermade.
A institución provincial ten en marcha ou vén de finalizar unha decena de proxectos para renovar e mellorar as estradas da súa titularidade cun investimento que ascende a máis de 1M€. A esta contía cómpre engadir as accións que financia a través do Plan Único de Cooperación cos Concellos 2021 para a mellora de camiños, accesos a núcleos de poboación e o acondicionamento e humanización de vías municipais, e que ascenden a preto de 2,4M€.
Así mesmo, a Deputación tamén actúa nas estradas con medios propios do Parque Móbil. No que vai de ano realizou diversas actuacións na Terra Chá, valoradas en preto de medio millón de euros, segundo os prezos de mercado.
A maiores, a Deputación ten en marcha o Plan Provincial de Conservación de Estradas, a través do que destina máis de medio millón de euros a garantir a seguridade viaria nas vías da Terra Chá, con actuacións como a atención de incidencias as 24 horas do día. Estas comprenden a eliminación de placas de xeo, estendido de sal, asistencia por vertidos ou para actuacións puntuais como reparación de fochancas, melloras do firme, apertura de cunetas ou mantemento da sinalización.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
