Ribadeo, 2 de novembro de 2021. O Concello saca hoxe a licitación pública o proxecto para a creación desa senda ciclable de 4 quilómetros de lonxitude que sairá dos Bloques, irá polo paseo marítimo chegando ata a praia de Rocas e logo seguirá por Vilaselán ata atoparse coa estrada da Deputación. O orzamento ascende a 320.000 euros, dos que 250.000 son achegados pola Deputación de Lugo e o resto serán aportación do Concello ribadense. O prazo de execución das obras será de 4 meses. As empresas interesadas dispoñen de 20 días para presentar as súas ofertas.
O alcalde, Fernando Suárez, explicou que “sacamos hoxe a licitación pública este proxecto tan ambicioso e tan importante de creación deste carril bici, desta senda ciclable, que queremos facer pola beira da parte máis urbana de Ribadeo, desde a praia dos Bloques pasando polo paseo marítimo, subindo pola estrada que vai ao Faro, pasando por diante do Cargadeiro, chegando ata a praia de Rocas, virando polas pistas de Vilaselán ata encontrarnos coa estrada da Deputación. É toda unha ruta circular de practicamente 4 quilómetros, onde nus puntos singulares vamos facer un carril bici e onde non poida ser o ancho dabondo tamén vamos aglomerar todo e marcar con sinalización horizontal e vertical; serán espazos nos que a bici vai ter un papel importante”.
O rexedor dixo que “é para toda a cidadanía: para a xente nova e para a non tan nova, para os que viven en Ribadeo e para os que nos veñen visitar”.
Suárez Barcia subliñou que “para estas obras, de practicamente 320.000 euros, a Deputación aporta 250.000 e os 70.000 restantes o Concello de Ribadeo. A duración prevista é de 4 meses e todas as empresas que estean cualificadas e queiran presentar oferta poden facelo desde hoxe e durante 20 días. Toda a información téñena na páxina web do Concello ou na Plataforma de Contratos do Estado”.
O alcalde manifestou que “este proxecto é ambicioso, grande e complexo. Hai que ter en conta que tivemos que superar 7 informes sectoriais: de Urbanismo, de Costas, do Plan de Ordenación do Litoral, da Autoridade Portuaria, de Portos de Galicia, de Patrimonio e de Fomento. Polo tanto fíxose moito traballo que non se ve no último ano. Contamos cunha achega importante da Deputación, coma sempre, para esta obra”.
E engadiu: “coa pandemia e con estas leccións que nos deu, a xente quere espazos públicos para pasear e para gozar; e desde o Concello estamos intentando converter en realidade estes soños, estas inquedanzas de moita xente”.
Fernando Suárez agarda que as obras poidan dar comezo en xaneiro e que o carril bici sexa unha realidade na primavera de 2022.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
